美好世界的沉思者/ADVANCING (重製): II. 悲歎之罪

「乜你咁架～罵到人喊都有嘅。」

「我都知我衰呀，但潑咗出去嘅水點收得返啫。」

「今鋪我係男人我係兄弟都唔撐你呀！」
「你係男人嘅！就追返人返嚟！係咁！」講完佢就冇理我。

追返人返嚟？你估話咁易咩，當初趕人走嘅係我，而家叫返人返嚟又係我，真係諷刺。
況且痊癒嘅傷口都會有疤痕存在。





難道，短短嘅8個月戀期就要到此為止？

我冇勇氣面對佢，冇勇氣面對我地之間嘅關係，冇勇氣挽救愛情，
冇勇氣面都將來。

當初追人個時就有勇氣，而家就冇？！
係。真係好可笑。

勇氣總係伴隨住信心而來，只要有信心，就會有勇氣走過荊棘路。
但而家冇人可以做到呢個俾信心我嘅角色。





愛情，咩係愛情，你懂愛情嗎？

自從分開而來，已經過咗好耐，每日都飽受煎熬，思念嘅痛苦。
一直都以為佢聽日一定會返嚟，一定係佢搵我先，呢段關係，
從來都係佢都安慰嘅角色，係佢負責修改裂痕、撕裂。

睇返先，原來真係幾耐，而家都已10月，即係已經分開咗成個月。
但都比想像中短，以為都差唔多DSE。
但都有啲快，就好似......場交係尋日先嗌。唔係，應該係單方面我罵佢，而佢就只可以忍受。





原本仲以為會幾易過，但原來係咁辛苦，冇你嘅日子。

落街買幾枝酒。聽人講傷心、失意、失戀都會飲酒。
普通食個飯，又或者同朋友聚會都會飯返兩杯。

咁我就當自己係聚會啦，同鏡中嘅自己，一飲而盡。