我是一個學界的灰姑娘: 175. 酒席上嘅歌

我地到達擺酒嘅酒店，今日真係幾多人下
 
就係我地英華女校，都有好多圍。當然啦，校長娶孫新抱、奶奶娶新抱、媽咪嫁女，所有老師都一定俾足面出席
 
仲有我班同學同埋排球隊呢，一時間，場地依嘩鬼叫
 
加埋Ethan班同學，正宗嘈到拆天
 
係大銀幕上，播出一段由Ethan自己整嘅片段，連我都未睇過架
 




一如以往，佢出場嘅bgm係…
 
「澳門首家線上賭場上線啦!!」然後就係東京好熱嘅音樂
 
然後就係張大班椅到轉身出現
 
「歡迎大家出席我同鯨鯊嘅婚宴，係…大家冇聽錯，Natalie綽號係鯨鯊。睇睇問題先下…
好…第一條問題，我同Natalie點識…唔…我第一次見佢係6年級果時…11歲…係…我同佢11歲識到而家」
 
「第二條問題，Natalie佢會多謝邊個?哦，一定係多謝佢媽咪啦，母兼父職湊大佢…仲有佢係天堂嘅爸爸啦，佢繼父偉叔啦….仲有呀?我公公林醫生啦，我媽咪啦，即係佢F.1-3班主任啦，同埋我姑姐啦，佢F.4-6班主任，中學生涯嘅英文老師啦。同埋校長婆婆啦…係係係…我估架咋，一陣佢又喊架啦」




 
「第三條問題，我F.4重遇Natalie有咩感覺，係唔係對佢一見鍾情喎。我答大家啦，唔係。我果時以為佢係條賣剩蔗黎，原來真係」
 
今晚我實打到佢死
 
「有人問我喎，我幾時對Natalie有意思…唔…應該係佢地英華女校開放日之後啦…果日佢扎住對孖辮」
 
「下一條…嘩…邊個問架…你係唔係因為Natalie係英華女校學生而鍾意佢。呢條一定係我d同學問，佢地知我鍾意女仔著長衫。咁當然唔係啦!我麻麻、校長婆婆、我媽咪、我阿姨、我姑姐、我家姐同埋我對孖女表妹都係英華女校出黎架嘛，我又會唔會鍾意佢地丫。最多話我鍾意呢個系列嘅女仔者」然後片中打出左「事實都係」呢四個字
 
片中播出其他人嘅訪問




 
「Ethan?人渣黎架喎，成日借左d咸書唔還架嘛」
 
「程浩揚?去親學校旅行都帶咸書架喎」
 
「我阿哥呀?呀……好細膽架喎，叫佢去打家姐一下丫…佢一定唔敢」
 
「浩揚?專出賣長輩架喎，我次次都俾佢出賣架喎」
 
大家一輪評論後，Ethan再度出場
 
「你睇，我幾受歡迎，事不宜遲，睇下我地嘅成長片段啦好嘛?」
 
我地成長片段播出後，我同Ethan係好多掌聲下出場
 




令我估唔到嘅係…佢第一次唱歌俾我聽，仲要彈結他
 
「係….我發現呢…我未唱過歌俾家琪聽…唔計Talent show果次呀，果次係強迫我唱」
 
然後我d同學開始起哄
 
「呢首歌呢…係我屋企傳統嘅歌黎。係我爺爺唱俾佢心愛嘅人聽…爸爸唱俾媽咪聽…今日我第一次唱俾家琪聽…」
 
Ethan拎起結他…
「願我會渣火箭 帶你到天空去
在太空中兩人住
活到一千歲 都一般心醉
有你在身邊多樂趣
共你雙雙對 好得戚好得意
地裂天崩當閒事




就算翻風雨 只需睇到你
似見陽光千萬里

有了你開心地 嘛都稱心滿意
咸魚白菜也好好味
我與你永共鈙 分分鐘需要你
你似是陽光空氣

扮靚的皆因你 癲癲也地皆因你
為你甘心作傻事
扮一下猩猩叫 睇到也都笑
有你在身邊多樂趣
若有朝失聚你 花開都不美
願到荒島去長住
做個假的你 天天都相對




對木頭公仔做戲

有了你開心地 嘛都稱心滿意
咸魚白菜也好好味
我與你永共聚 分分鐘需要你
你似是陽光空氣

有了你開心地 嘛都稱心滿意
咸魚白菜也好好味
我與你永共聚 分分鐘需要你
你似是陽光空氣

有了你開心地 嘛都稱心滿意
咸魚白菜也好好味
我與你永共聚 分分鐘需要你




你似是陽光空氣

有了你開心地 嘛都稱心滿意
咸魚白菜也好好味
我與你永共聚 分分鐘需要你
你似是陽光空氣」
 
結果我又俾佢整喊左一次，真係正如奶奶話過，佢屋企三個男嘅，冇個係正常