我是一個學界的灰姑娘: 174. 係教堂行婚禮
係休息室，化妝師幫我補一補妝。而三位神父同輔祭就係到同幾位宣讀福音嘅朋友係到傾流程
由於我同Ethan都係教友關係，所以我地個婚禮係比較繁複而隆重
單單係神父已經有三位，而且Ethan係堂區係舊輔祭關係，有好多輔祭都會出席儀式
由點香到灑聖水同祝福，每一個步驟要好好咁傾流程
而且輔祭會非常重視今次婚禮
偉叔同我係休息室不停練習，今日連佢都好緊張
「1…2…1…2…」偉叔個緊張樣真係令我哭笑不得
「偉叔你唔好咁緊張啦」
「唔緊張就假啦，今日我嫁女喎」
「頭先你係學校都冇咁緊張喎」
「唏!頭先係輕鬆嘛，我都差d玩埋一份呀」
「你放鬆d先啦」
「我怕踩到妳條婚紗呀，妳睇下，條尾幾長」
我望一望我條8呎長拖尾婚紗，因為行教堂禮，一定係要長拖尾先得
其實我都著住高踭鞋，自己都怕跌倒
練習左幾次，我坐係到休息
然後我嘅伴娘入黎搵我
「家琪姐姐，妳真係好靚呀」
「做咩者?到妳嫁浩翹果時妳咪仲靚」
「唔…」
呢個傻女恨嫁啦
「傻女，唔洗咁快就想嫁走呀」
「唔…見到妳同家姐都嫁左…咁我都想嫁架嘛…」
我摸一摸慧思個頭「妳信姐姐啦，浩翹一定會娶妳嘅」
然後我聽到偉叔搵媽咪
「阿美呀，妳拎個袋俾我丫」
「無啦啦拎個袋做咩呢?」
「拎黎啦」
媽咪俾左個袋偉叔之後，佢係袋中拎出左爸爸以前經常戴住果頂帽
我望到呆左
「偉叔…你做咩…」
佢埋黎摸下我個頭「傻女，妳爸爸都想一齊同妳一齊行紅地氈架嘛」
佢戴起爸爸頂帽「出去啦乖女」
媽咪果時已經喊到收唔到聲
「嗯，行啦爸爸」今日係我第一次叫偉叔做爸爸
佢摸一下我個頭，我地就去到教堂門口
Canon in D嘅音樂響起，慧思係尾拎起我條婚紗尾，偉叔戴住爸爸頂帽，拖住我慢慢步入教堂
係祭台前，Ethan已經係到等緊我
去到祭台前，偉叔將我交俾Ethan
我地兩個一齊面對住三位神父，然後神父開始講道
【婚姻是神所創立的】我們要看見，人的婚姻乃是神所定規的，乃是神所創始的(參創二18~24)，因此我們該尊重這件事。但是竟然有許多信徒把婚姻看作一件俗而不潔的事。這些人是信神的話的人，是熱心事奉神的人。他們雖然未曾明說結婚是犯罪，可是至少他們也是看不結婚的人是最高尚、最聖潔的人。羅馬天主教甚至規定凡在教會中作領袖的人絕對不可結婚。其他各宗派中雖然沒有這樣的規定，可是總有很多的信徒以為最聖潔、最屬靈的基督徒似乎是不應當結婚的。他們忘記了婚姻是神所創立的。神所作的既然都好，那麼結婚必定不會是一件不好的事了。
【婚姻也是主耶穌所嘉許的】在創世記第二章神的創造裏，有婚姻；到了約翰福音第二章，也就是主耶穌剛出來傳道的時候，在迦拿也有婚姻。在那個婚筵裏面，主耶穌把酒加進去。這就給我們看見，主不只許可這件事，並且嘉許這件事。主耶穌不只出席婚禮，並且幫助人把婚禮作得更好。所以，婚姻這一件事，是神所發起的，也是主耶穌所特別嘉許的。可見這一件事是完全出於神的。
【婚姻是聖潔的】聖經告訴我們說：「婚姻，人人都當尊重」(來十三4)。婚姻不僅是該尊重的，並且是聖潔的。慕迪的同工梅爾博士曾說：「只有全世界最污穢的頭腦，纔以為性是污穢的。」因為人自己污穢的緣故，所以把污穢的思想帶到性裏面去。我們要看見，神所規定的婚姻關係，乃是聖潔的，清潔的，而不是污穢的。
【婚姻是人間最親密的關係】婚姻乃是一個人願意與一位異性產生人間最親密的關係，並且叫世人及自己都認定這關係。
創世記告訴我們，婚姻的連系甚至比父母子女的連系更為緊密。「因此，人要離開父母，與妻子連合，二人成一體」(創二24)。耶穌引述創世記這段經文時，更補充說：「既然如此，夫妻不再是兩個人，乃是一體的了」
【婚姻的奧秘：舍己】從聖經的觀點看，婚姻不是別的，婚姻乃是兩位經歷了基督舍己之愛的夫婦，在基督的愛裏立約，於婚後的一生中，用基督舍己的愛互相尊重、關懷、支持、鼓勵對方，使雙方都能更自由、更歡喜的去服事別人，彰顯基督的榮耀。
古代希伯來人把婚姻叫做「獻身」，就像我們把生命獻給基督一樣。我們在婚姻的關係中，彼此互相獻出自己，完成神的旨意。
然後…到最緊張時候
「程浩揚先生，你是否願意在主耶穌基督前，承認余家琪小姐為你合法妻子，從今以後，不論貧窮與富貴、疾病與健康，你都會全心全意愛護她、尊重她?」
「我願意」
「余家琪小姐，你是否願意在主耶穌基督前，承認程浩揚先生為你合法丈夫，從今以後，不論貧窮與富貴、疾病與健康，你都會全心全意愛護他、尊重他?」
我講出左我人生做重要嘅一句說話
「我願意」
「現在我地為這對結婚戒指祝聖、灑上聖水，從今開始，就係上主為你們的見證」
神父向戒指點香、祝福及灑上聖水
係教堂內，我同浩揚交換戒指
「根據香港的婚姻條例，我現在要為兩位簽署結婚證書，並交到入境事務處作為紀錄」
我同Ethan一齊係結婚證書上，用校長送俾我地嘅筆，係結婚證書上簽名
然後就到老爺同偉叔簽名
之後我地返到祭台前
Ethan緊張到唔記得要點做，要神父同輔祭提佢
「打開頭紗呀…Ethan哥」
果時佢先記得要做d咩，我果時已經嘟長個咀
佢打開我頭紗。我同佢拍拖10年後，我同Miss Lam一樣，正式成為左程太
我地係大家祝福之下，錫左一下
影左一大輪相之後，就到最緊張嘅環節啦
拋花球!!!!
「好啦好啦!!!!準備啦!!!!」我回身望下
嘩…我d同學…仲有慧思個個都進入左作戰狀態。而Ethan就拎左人人有功練出黎收賭注
我用力一拋
身邊傳來好多尖叫聲
「我拎到啦!!!!」我一望，真係慧思拎到
而浩翹個樣就….佢俾成班兄弟同Ethan指住黎笑
「你都有今日啦你」