我是一個學界的灰姑娘: 171. 用拳頭黎決定結婚次序

「家姐妳終於都嫁得出啦?」Ethan個樣好似好興奮
 
「咩叫終於?我呢d絕世美女，大把人要。你同家琪點呀?」
 
「我地呀…唔…」
 
慧思見到我左手上嘅戒指唔同左。佢走過黎睇
 
「家琪姐姐，做咩妳有新戒指嘅?仲要咁大粒鑽石」
 




我面紅紅咁低頭唔出聲，慧思見到咁樣，佢立即Load到
 
之後佢大叫
 
「係唔係真架!?」
 
我點一點頭後，慧思跳上黎攬住我
 
「好野呀!!!!!」佢比我更興奮。其他人仲係唔知咩事，所以大白鯊就游過黎
 




「喂!!!妳唔係唔知自己幾重啦，小心整到家琪呀」
 
慧思嘅叫聲仲吸引到媽咪同校長過黎
 
「慧思，妳做咩咁開心呀?」
 
佢將我隻左手舉起左，「家琪姐姐要結婚啦!!!!!!佢要嫁俾二哥哥啦!!!」
 
媽咪聽到之後望住我問「家琪…妳要結婚?」
 




係我未開口果時，Ethan已經幫我答左
 
「係呀美姐，頭先家琪應承嫁俾我啦」
 
聽到呢個消息，大家都好開心，然後，Ethan同小敏姐係到談判邊個結婚先
 
「喂，你先定我先」
 
「我先」Ethan對住小敏姐講
 
「點解呀?我係家姐喎」
 
「妳冇J喎」
 
相信小敏姐好快會追打Ethan




 
我係媽咪同校長身邊笑住咁睇，浩翹拎個人人有功練出黎收取賭注，我依舊，話小敏姐贏
 
結果係小敏姐武力之下，Ethan投降，俾家姐出嫁先
 
伴娘嘛……我揀左慧思，因為Ethan會搵細佬做伴郎
 
慧思好開心，可以做兩次伴娘。我亦成為左小敏姐姊妹團之一
 
當媽咪知道我要嫁人，仲要係嫁俾Ethan，我地屋企嘅恩人，林醫生同校長嘅孫仔果時，佢開心過我地
 
而且媽咪話禮金都唔收
 
係果晚，我正式成為Ethan未婚妻
 




我同佢都俾HA派左去QM，Ethan係做houseman果時，表現非常好。我地每隔幾個月就調唔同科到學習
 
最後，我揀左婦產科做目標。而Ethan佢就打算揀心臟外科
 
校長早我地一步移民去澳洲雪梨
 
我同Ethan係百忙之中，抽左時間影婚紗相
 
地點：係英皇書院同英華女校，我地仲著返校服去影
 
係學校中，兩個副校長係到望住我地影相
 
「係….新郎，咀角加油…係….」
 
其實叫Ethan笑，係一件好難嘅事




 
係休息時間，佢坐埋一邊