我是一個學界的灰姑娘: 170. 我地終於要完結?

「做咩無啦啦著袍返黎呢到呀?」
 
「妳唔記得呢到咩?」
 
「我點會唔記得者。果陣你見我俾Jason同佢女朋友蝦，你去完洗手間就出黎拖住我保護我嘛」
 
「妳咁好記性嘅?」
 
「咁你果日有冇洗手架!?」
 




「當然有啦!!」
 
「咁你帶我返黎做咩呀?相又影完啦，仲唔去酒樓?」
 
「唔….有樣野要做埋先架」
 
「係咩呀?」
 
「咁我同妳係呢到開始拍拖架嘛」
 




「係丫，咁又點呀?」
 
「咁我地係到完結囉」
 
我聽到之後呆一呆，完結? Ethan同我分手?我地拍拖8年，就咁要分手?
 
「點…點解要完結?」我忍住眼淚唔喊，不過係冇可能，我雙眼已經通紅
 
「咁…8年，都應該結束，妳係時間放低我女朋友呢個身份」
 




我終於忍唔住，係我最成功果日，我男朋友同我分手
 
係我想伸手打佢一巴果時，佢捉實我隻手
 
「家琪，妳可唔可以唔再做我女朋友?」
 
「好呀!」既然佢都決定左，我冇謂再拖，頭先d錢就當佢玩完我俾我嘅補償
 
但係8年感情，冇可能咁就完結，所以我決定要問清楚
 
「點解要咁對我?」我差d咬到自己雙唇流血
 
佢嘆左口氣「我都知道會問架啦，妳呢個優異生」
 
「你唔俾答案我嘅話，我唔會放過你」




 
「妳個腦真係好簡單」
 
「簡單到俾你呃左8年感情?俾你呃埋我做女仔最重要果樣野?」
 
然後佢做左樣我諗唔到嘅野
 
佢拎起我隻左手
 
「你做咩呀!?唔係話分手咩?」
 
「傻女，妳真係同媽咪姑姐講嘅一樣，個人好純真」
 
我望住佢個動作，佢將隻鑽石戒指戴左係我左手中指之上，即係咩呀?佢同我求婚?
 




「我要妳放低Ethan女朋友身份，然後……將身份改為程浩揚太太。然後我同妳一齊過澳洲」
 
「Ethan…你唔好玩啦」
 
「我似玩咩?」
 
「我地今日先畢業…..你就…就….」我眼紅紅咁望實佢
 
「咁妳應唔應承?」佢個頭貼實我額頭
 
我係冇考慮嘅情況下，點左一下頭
 
今日除左我畢業之外，我亦成為左Ethan未婚妻
 
去到酒樓我先知道，小敏姐都應承左嫁俾Jayden