我是一個學界的灰姑娘: 172. 媽媽幫我上頭

「Ethan你真係唔識笑架?」
 
「媽咪?妳同姑姐兩位副校長咁得閒呀?」
 
「有咩得唔得閒?我地兩個申請左提早退休」
 
當我聽到佢地提早退休時都嚇左一跳
 
「Miss Lam，Miss Cheung…妳地做咩提早退休呀?」
 




「我咪叫左妳唔好咁叫我囉」Miss Cheung對住我講
 
「大白鯊妳做咩提早退休呀?」
 
「叫姑姐呀!!!!」
 
「大白鯊姑姐」
 
大白鯊仍然係大白鯊
 




「妳姑丈升左處長啦，無咩時間陪我。佢過幾年會退休，佢叫我陪佢一齊退落黎，過澳洲陪媽咪」
 
「但係姑丈屋企….」
 
「我老爺奶奶都過左身，妳唔記得?」
 
冇錯，李SIR父母係瑪麗醫院過身，只係相差一個月。雖然我同Ethan唔係主診醫生，但係我地果時一有時間就去探佢地
 
佢地知道我係佢地新抱個學生果時都好開心，仲千叮萬囑，要我幫手照顧大白鯊一家人
 




回想返當時情景，對我黎講係好大衝擊

李sir激動到要好多同事扶住佢，仲要暫停職務休假
 
我繼爸爸之後，再一次見到識嘅人係我面前離開
 
「但係….奶奶妳呢?」我望住奶奶
 
「我?妳daddy話陪奶奶同埋大姑，所以我申請退休過去，反正我爸爸已經係果邊，孖女又係」
 
「daddy佢…會過澳航?」
 
「對方請佢過去，佢已經應承左，不過都要等幾年。妳地同小敏應該會過去先啦」
 
「嗯」




 
我同Ethan揀左聖道聖母無原罪主教座堂行婚禮
 
首先呢，係要等小敏姐出嫁先
 
係佢出嫁果日，新郎團踏入電梯果一刻，已經受到鯊魚黨熱烈招呼
 
小敏姐嫁人喎，孖女專登由澳洲飛返黎對付Jayden
 
就係小敏姐嫁左後一個月，就到我同Ethan結婚
 
當日，我揀左係學校宿舍出門
 
前一晚，大白鯊返到學校，連同校長同慧思，一齊見證媽咪幫我上頭
 




「家琪，聽日做人老婆啦，妳要乖乖地啦」
 
「我知啦媽咪，我識做人老婆架啦」
 
「媽咪都係唔捨得妳…」
 
「美姐，有咩捨唔捨得呢?妳個簽證應該半年後就會批，到時妳都過埋黎就最好」
 
「校長，妳對我地一家人恩情，我都唔知點還俾妳。聽日家琪一定要斟茶俾妳地」
 
我上完頭後係學校行
 
「家琪」
 
「校長」




 
「聽日嫁俾浩揚啦，我真係…睇住妳小學到嫁人，睇住妳長大」
 
「校長….我真係好多謝妳….」
 
「傻女…」
 
「校長，妳準備好見證妳同大師兄兩家人結合未?」
 
「我同Tony?」
 
「嗯」
 
「點解咁講呀?」
 




「好快……就到浩翹同慧思」
 
「呵呵，我仲等緊果日，我相信，佢會完成我心願」