我是一個學界的灰姑娘: 169. 我地大學畢業啦

係大學畢業典禮上，我地都請左校長黎觀禮，因為我同Ethan都拎左first class honor
 
我係大學醫學院6年黎，所有學費都係由獎學金資助，所以我好努力咁讀書
 
畢業典禮上，Ethan首先上台
 
「程浩揚醫生，First class honor」
 
佢係台上佢所有嘉賓致謝，再企係台上一邊
 




然後到我上台
 
「余家琪醫生，First class honor」
 
我台上致謝後，Ethan就係所有嘉賓面前，拖住我行返去台下
 
我地所有同學都為我地歡呼，台上教授都笑得好開心
 
今日，我地兩個終於戴上四方帽。除左媽咪同偉叔之外，Miss Lam一家、林醫生、Miss Cheung同校長一家人都有黎睇我地兩個畢業
 




「Natalie」
 
「係!校長」
 
「有樣野我一定要俾妳嘅，雖然我退左休，但係我都係英華傑出學生之上，選左妳成為傑出學生之一。所以呢6年黎，妳嘅學費我都係冇白交」
 
呢樣野，足以令我同程機長齊名，甚至比Miss Lam更加叻，但係…校長幫我交學費?
 
「校長…我明明有獎學金，妳點解仲要幫我俾學費?」
 




校長係我面前笑一笑，媽咪係我身邊講
 
「傻女，妳6年黎嘅學費係靠獎學金俾學費架嘛」
 
「我知丫…所以我先咁努力讀書」
 
「媽咪要講妳知啦，妳6年黎嘅學費，全部都係校長幫妳俾，係全數俾哂。獎學金妳俾左我之後，媽咪幫妳儲起左」
 
我當時立即呆左，校長為我俾左學費….
 
「媽咪?」
 
「仲唔多謝校長?」
 
「多…多謝校長….」果時我眼淚已經不停咁流出黎




 
「家琪姐姐唔好喊啦」慧思係到幫我抹眼淚
 
雖然21萬學費對校長黎講唔係多，但係校長竟然幫我全數俾哂
 
然後校長再遞一個信封俾我
 
我一打開之後，同樣係一張25萬支票，今次係英華女學校俾我嘅
 
「校長….呢張支票….」
 
「呢張係學校俾妳嘅獎學金，妳兩筆獎學金加埋有40萬。當係學校俾妳同美姐買樓基金，或者俾妳用黎同Ethan結婚又好，移民又好，係學校嘅心意」
 
果一日係我咁大個女流眼淚最多嘅日子
 




校長緊緊攬緊我「辛苦妳啦家琪，16年，妳辛苦左16年，妳係會有回報。妳係我孔美玲咁多年黎，最善良、最為人著想嘅學生。亦係我最錫嘅學生」
 
「多…多謝妳呀婆婆」
 
「傻女，妳眼淚唔止流咁少」
 
「係？」
 
「妳未來老爺都有野俾妳呢」
 
「Uncle?」
 
程機長行到我面前「家琪妳好叻女，Uncle都唔知可以送咩俾妳….唔…..妳拎住張支票丫」
 
又係一張支票，今次係30萬




 
「U….Uncle….點得架!!!我已經成日去你屋企打搞，你又請我去幾次旅行…..當年你仲俾左5萬蚊我同媽咪….」
 
「拎住佢，當係我俾妳地屋企嘅禮金」
 
「但係….我同Ethan未有計劃……」
 
「拎住佢啦傻女，妳想跟我阿媽去澳洲都要錢架嘛」
 
我係矇矇下之間，拎住幾張支票
 
Ethan將d支票交俾Miss Lam後，繼續同我係學校影相
 
今晚我地訂左酒樓食飯慶祝我地畢業
 




不過係食飯之前，Ethan帶左我返希慎廣場空中花園
 
因為果到對我地兩個好有紀念性，我地就係果到開始拍拖
 
當年我地係冇人表白之下就一齊左