我是一個學界的灰姑娘: 168. 實習醫生生涯

一年後，我同Ethan實習啦
 
我同佢都俾人派左去瑪麗實習。不過佢一開始係外科，而我係內科
 
著住件醫生袍，見到自己係HA張職員證上，寫住「實習醫生」
 
今日第一樣野要做，就係巡房
 
公立醫院同私家醫院唔同，基本上急症室推上黎，我地就要收症
 




我跟住師傅係到不停睇症、去學儀器、學點樣無情地將病情話俾病人知道
 
醫生真正嘅工作，同我細個中想像唔同
 
普通人以為醫生係賺多錢，好舒服
 
實際上，醫生經常要踩30個鐘，而且大量文件工作，又要開會，又要做功課
 
完全唔係普通人所能承受
 




所以每次我返到屋企，我係第一時間攤係床上邊瞓覺
 
有時我會俾壓力迫到喊
 
有一次，我放工後好攰，自己一個人行…行下行下…行到返英華
 
「家琪?妳做咩事呀?個人落哂形嘅?」我抬頭一望，係校長
 
「校….校長….」終於忍唔住，係校長面前喊出黎
 




校長攬實我「傻女，係唔係好辛苦呀?」
 
我係佢懷中點頭
 
「我未做過醫生，我俾唔到意見妳。不過呢…婆婆會一直係妳身邊陪妳」
 
「知道…」
 
「我都準備退休啦…妳知嘛家琪，我咁多年黎最成功嘅學生，唔係雪凝雪晴，唔係我個女，而係妳」
 
「我……我?」
 
「冇錯，雪凝雪晴同我個女，都係一直好成功，冇挫折嘅道路上成長。但係妳唔同，妳同我個仔一樣未夠10歲已經經歷咁多野。妳同佢一樣唔服輸，一樣鍾意攬哂所有野上身。所以當初我知道妳同Ethan拍拖，我係好同意，正等於當年雪凝同佢拍拖時一樣，有個人係佢身邊陪佢。而家Ethan係妳身邊陪住妳，同妳一齊實習，妳有幾辛苦佢最清楚」
 
「但係校長…我冇Ethan佢咁叻…」




 
「傻女，妳而家同佢半同居，妳仲唔明?」
 
我擰一擰頭
 
「Ethan成功嘅原因，係佢知道妳係佢身邊陪伴佢左右，佢100%信任妳，正如浩翹同慧思一樣」
 
我點一點頭
 
「校長申請左移民，到妳認為適合果時，妳再決定過唔過黎啦」
 
校長係當年暑假，正式退休了。而我同Ethan，都順利畢業。同一年，浩翹同我地兩個一樣，成為5**狀元入醫學院
 
一時間，佢變左明星咁樣，有好多醫科女仔埋浩翹身邊
 




無解嘅，佢比Ethan生得更似Miss Lam，完全係個女仔樣，佢之前試過著小敏姐套長衫校服，完全係一個短髮版嘅Miss Lam咁
 
不過浩翹第一日返學果時就同佢身邊嘅女仔講，佢有女朋友
 
雖然慧思係本部上堂，但係浩翹每日都會去接佢放學，一齊溫書
 
所以連想追慧思嘅男同學，都好快打消念頭