我是一個學界的灰姑娘: 167. 小情侶的誕生

當時Charlotte應該係喊緊，而Clodulf就拖實人地
 
「喂，佢兩個做咩呀?」
 
「去睇下囉」
 
於是…我同Ethan就偷偷地行去暗角，點知，我地見到小敏姐係到偷睇
 
「家姐，咩情況呀?」Ethan係小敏姐身邊問
 




「犀利囉，慧思喊住返黎，細佬一個箭步捉實佢，到而家仲未放手」
 
然後我地聽到慧思講野
 
「你…你去搵Winnie咪得囉!!!!!」
 
原來…慧思同嘉怡爭浩翹
 
「Winnie?乜東東黎架?」Ethan係到問
 




「係五年前，佢地升中學果時嘅事啦。果陣婆婆用慧思同大坑真光交換Winnie過黎，佢係小學果時已經係中樂高手。識五種中樂樂器。婆婆為左英華而將慧思換走。一黎成全慧思返真光嘅意願，佢又可以得到Winnie幫學校打低協恩」
 
「新仇舊恨喎」
 
「當年我總覺得佢地係對手，估唔到而家真係成真。媽咪同偉叔話過，Winnie係英華都係殺盡獎狀果類人」
 
「佢又係鍾意細佬?」
 
「係呀，又係開放日吸引到人囉」我望住Ethan
 




「呢d野係傳統，冇得改」
 
「喂，咪嘈啦，睇戲呀!!!!」
 
然後….Clodulf強行拉Charlotte去佢身邊錫落去
 
Charlotte由反抗到投降，只係用左幾秒
 
之後佢就攬到浩翹實一實
 
「影左未呀!?」小敏姐問
 
「影緊啦家姐!咪嘈啦!!!」
 
然後就見到浩翹隻手開始摸去慧思屁股到




 
「嘩!!!!細佬…咁快手呀!!!!!」
 
「細聲d啦死仔!!!!」
 
佢地終於放開對方啦，慧思個樣笑得好甜。仲輕力打左浩翹一下
 
然後又錫過
 
佢地洗唔洗咁甜呢?
 
我地睇住佢地去食野，然後sent左段片俾大白鯊
 
「好啦，睇完戲啦，之後去邊?」小敏姐問
 




「去食糖水囉，家姐妳請」
 
「妖!行啦!!!」
 
我地三個坐係糖水舖，睇緊份功課
 
「嘩…咁嘅情況…..應該落藥喎」Ethan講
 
「但係隻藥之前出過事，仲可以落?」我反駁返
 
我地係到討論緊Orphan drug問題，作為病人唯一希望，當然想繼續使用。但係之前已經出現問題的話，FDA或者其他醫療組織有責任將隻藥落架
 
我地兩個真係無時無刻都係到傾功課，終於俾小敏姐鬧左次
 
「喂，妳地兩個傾少陣功課啦!」




 
「家姐呀…」
 
「好啦!我唔想你地兩個痴線呀!!!今日我地有另一個議題」
 
「係咩呀?」
 
「姑媽出年過澳洲啦，之後公公後年過去」
 
「舖頭呢?」
 
「舖頭同間屋會租出去，公公會等我地畢業先走，佢會幫埋我地幾個」
 
「咁浩翹呢?如果佢跟我地入醫科….」我有D擔心呢個叔仔
 




「細佬就靠我地三個」
 
果晚我地三個返到屋企，已經見到浩翹係到同慧思傾電話
 
當我地沖完涼，就見到佢係到傻笑
 
呢個小朋友，由細開始暗戀慧思，到今日終於同人走埋一齊