我是一個學界的灰姑娘: 166. 偷望一對小情侶

我坐係床上睇書果時，Ethan坐埋上黎。通常佢一坐上黎果時，就一定會錫我一啖
 
「喂，我問左細佬啦」我放低手上本書
 
「佢應該冇野呀?」
 
「佢係擔心慧思者」
 
「有咩擔心?」
 




「咁佢地兩個踏入青春期，正常黎講會親密d，會對異性產生興趣。浩翹見到慧思開始同佢疏遠，所以擔心」
 
「慧思有人追咩?」
 
「我問過佢，果個只係佢同學嘅哥哥」
 
「係咪俾浩翹見到呀?」
 
「有機會啦，你都要同個細佬傾下架」
 




「佢信妳呢個阿嫂喎」Ethan攬住我講
 
「咩…咩阿嫂呀?有話嫁你咩」
 
「反正遲早都係啦」
 
「喂呀…細佬知道我地成日啪啪啪啦」
 
「咁…妳都黎得同我住…」
 




「咁樣….如果啪完出去見到佢地…咪好尷尬囉」
 
其實有幾次，我同Ethan親密完之後見到浩翹，佢又有D尷尬咁
 
而且有人係屋企，我地又唔可以大聲
 
但冇理由返我屋企架嘛，雖然我同Ethan都試過
 
果一晚，我地兩個親密左之後，我攬實佢
 
醫科生生活真係令人好攰，轉眼間我同Ethan已經係Yr4醫科生
 
下一年就係實習啦，所以每一晚我地都不停係到溫書
 
由18歲讀醫科，到而家22歲，仲有兩年就正式行醫啦…..




 
實習係3個月外科、3個月內科各一次，考埋臨床試先畢業
 
之後就聽天由命，睇下派去邊科邊間醫院啦
 
果一晚，我同Ethan見證住小情侶嘅誕生啦
 
我同佢食完飯落街散步，可以放鬆下
 
Ethan周不時摸下我個肚
 
「做咩呀!成日摸我」
 
「我係到諗緊妳將來大肚果時會點」
 




「唔洗咁早諗呀?雖然我一定會幫你生小朋友」
 
「係喎，妳係唔係打算跟住婆婆一世?」
 
「冇錯，佢要去澳洲，我一家人就跟埋去」
 
「咁…我唯有同埋妳一齊去啦」
 
「你肯咩?」
 
「過到去再算讀囉，反正姑媽就快移民過去。公公遲D退休都會過去享福」
 
「咁你想係香港結婚定係澳洲結婚?」
 
「冇所謂，只要係同妳結婚就得」




 
「你呀!!!咁多年都氹到我咁開心」每一次聽到佢咁講，我個心總係甜一甜
 
其實我地一齊讀醫科，其中一個就快發癲果時，對方永遠係好溫柔咁拉一拉對方返黎
 
所以我一早就認定Ethan係我丈夫
 
我地拖住手咁行，去到樓下一個位置。我地見到一個著住皇仁校服嘅男仔，同埋真光長衫校服嘅女仔係到
 
明顯地，係Clodulf同Charlotte