我是一個學界的灰姑娘: 165. 第三類接觸

有時我覺得佢真係迫得自己太緊。因為自己個家姐做護士，小敏姐係Poly nursing yr4，佢每一次都係GPA爆4，Ethan同我就HKU MBBS，GPA都係爆4，所以對Clodulf黎講，佢壓力好大
 
本來小敏姐同Ethan想同浩翹傾下，但係佢地知道自己個細佬一定唔會同佢地講。Miss Lam就黎搵我幫手，因為佢知道，浩翹只係會同兩個人打開心扉
 
一個係慧思，一個係我
 
所以有一日，我捉左佢返我屋企
 
我赤足坐係床上，佢住係我張電腦椅到
 




「Clodulf，你做咩近來好似精神咁差?」
 
「冇…溫書溫得夜者」
 
「你仲想呃我?」
 
「呀…有時會同朋友上網傾下計，邊傾邊溫書囉」
 
「傾咩多呀?」
 




「溫習內容…」
 
「Clodulf，你聽姐姐講，你唔可以成日咁俾咁大壓力自己」
 
「邊…邊有呢….」
 
「你明明係有，你小學一年級果時我已經識你，你有野我會唔知咩。近來你返屋企果時仲攰過我喎」
 
「少少咁啦」
 




「係咪覺得，家姐同阿哥讀書咁叻，有壓力?」
 
「唔….」
 
「仲有…慧思係唔係?」
 
「邊…邊到有呀?」
 
佢眼神開始逃避我
 
「因為慧思同你一齊入左青春期，佢又鍾意痴住d同學，而家少左同你玩呢?」
 
浩翹點一點頭
 
「你怕…慧思俾人搶走?」




 
佢再點頭
 
我摸下佢個頭
 
「傻仔，慧思唔會接受其他男仔嘅，你地兩個大個，唔會孖鋪係正常嘅」
 
「咁姐姐妳同阿哥就係正常?」
 
「下?我..我呢….就…即係咁…我同Ethan都拍左….」
 
「但係孖鋪要關門架咩?」
 
「即…即係…..」
 




我又再一次俾浩翹佢反問返轉頭
 
究竟佢個腦係咩構造架!!!!
 
「但係家琪姐…」佢開始有問題問我呢個大姐姐啦
 
「咩事?」
 
「點解…妳可以F.4果陣就認定阿哥係妳最終果個?」
 
我雙手抱膝，十隻腳趾撓起，坐係到諗
 
「其實我都唔知架，我F.4係你屋企重遇佢，第一眼果時個心就痛左一下。然後果晚返到屋企好囉囉亂咁囉」
 
「第一眼就鍾意左阿哥呀?」




 
「確定自己鍾意佢…應該係開放日果日掛…」
 
「嗯….」浩翹係到望我個書櫃，果到全部都係擺paper同參考書
 
「你唔好望住先啦，你考好DSE，再諗入唔入醫科啦」
 
「DSE?我已經拎哂F.4-6嘅notes啦，已經開始自修緊」
 
究竟呢個中學生係唔係人類?