我是一個學界的灰姑娘: 155. 媽咪最後一次幫我扎孖辮

終於到左我嘅畢業典禮，好多年前，我最尊敬嘅Miss Lam就係畢業典禮之上，接受佢先生嘅求婚，而佢地兩個就甜蜜到而家
 
雖然我好肯定Ethan唔會係畢業典禮上求婚，但係我又有d期待，唔知佢會搞d咩出黎
 
係畢業典禮當日，我係宿舍著好校服，我係洗手間到梳頭
 
「家琪呀，出黎丫，媽咪幫妳梳頭扎辮」
 
「下?唔洗呀?」
 




「妳今日畢業啦，妳第一日返中學果時，係我幫妳扎辮梳頭。今日係媽咪最後一次梳頭架啦」
 
「點解呀!?」
 
「妳結婚前一晚，係會有個好命婆幫妳上頭。話明好命婆，我又點可以幫妳呢…始終…妳爸爸…」
 
「唔得架!我一定要媽咪妳幫我上頭架!!!!」
 
「傻女!!」
 




媽咪摸一奏我個頭
 
「我對妳有絕對信心，妳一定可以入到大學。當初妳爸爸走果陣，要我好好照顧妳，想妳大學畢業、嫁個錫妳嘅男仔。妳已經提前完成左啦」
 
「邊…邊到有喎，我都未嫁…」
 
偉叔係我地兩母女身邊講
 
「唏，自從妳F.4果年，浩揚一下大俠式將妳一抱入懷果一刻，妳都已經想嫁佢啦」
 




「偉叔你都咁講?」
 
「家琪，偉叔睇人好準，Miss Lam三個仔女，全部都唔係池中物。Miss Lam將佢三個仔女都教得好好，特別係佢個細仔」
 
Clodulf點止唔係池中物，應該話，佢根本唔係人類
 
「偉叔….你覺得小敏姐真係….」
 
「小敏係惡d者，因為程機長同Miss Cheung關係，佢先咁寵小敏」
 
「偉叔…你知道Miss Lam同Miss Cheung佢地…」
 
偉叔坐埋黎我身邊「傻女，妳會唔會批准浩揚將妳同佢個女改名果時，改做自己以前女朋友個名?」
 
「我…我冇咁大方」




 
「我第一次聽到小敏個名同Miss Cheung個名咁似果時，我以為係巧合。不過當我知道佢地兩家關係果時，我就知道」
 
「偉叔你話程機長對Miss Cheung仲未忘情?」
 
「佢地兩個都未忘情，不過佢地呢種叫懷念之情。就好似妳媽咪對妳爸爸，我對我過左身嘅太太一樣」
 
「傻女，大人嘅野妳唔洗太擔心」
 
「知啦媽咪…」
 
媽咪再一次幫我扎好麻花辮
 
「我地一家三口有今日咁幸福，都係多謝校長同林醫生。所以媽咪同偉叔決定左，一世跟住佢地」
 




「校長….5年後就退休…」我都唔太捨得校長
 
「其實校長為學校犧牲左好多，明明個孫女已經入左黎，仲可以係佢退休果日，同孫女一齊畢業。不過為左學校，換走自己孫女」
 
「校長真係好堅強」
 
「唔止添，佢係生Miss Cheung之前，流左三次產」
 
「三次!?」
 
「佢為左要有一個家庭，而唔理自己生命危險生Miss Cheung落黎。到妳做媽媽果時妳會明架啦」