我是一個學界的灰姑娘: 154. 謝師宴

假期過後，就係到考Mock日子……我利用校長送俾我枝筆去考Mock同DSE
 
每一科、每一考試我都用盡全力去考
 
係果幾個月，我同Ethan一次街都冇去
 
所以我發現我自己經常頭痛，係果時，無論幾攰，Ethan都會陪住我
 
雖然冇街去，我地又冇得親密。但係我地有得見大家，已經好開心
 




終於考完DSE後，代表我離開學校嘅日子差唔多到啦
 
我同媽咪同偉叔係堅尼地城一帶睇單位
 
租金真係唔平呢…
 
所以，Miss Lam又幫左我地一次
 
佢帶我地去到均益大廈，一入門口，我地就好鍾意
 




完全係我地心目中嘅單位，而且Miss Lam仲己經搵人裝修好
 
「Miss Lam，妳地屋企想租幾多錢呀」
 
「唔收租金」Miss Lam俾回覆偉叔
 
「唔…唔收?點可以架」
 
「真係唔收呢美姐，我先生話，佢認左家琪呢個新抱，所以佢點都唔會收妳地錢」
 




「Miss Lam呀…我又未話同Ethan結婚…」
 
「傻女，妳地幾時結婚我都冇咩所謂，只要妳兩個開心就可以」
 
係畢業禮前，我地一家三口就決定搬去Ethan爺爺嘅舊居生活
 
係謝師宴，我地揀左金鐘一間酒店舉行
 
我著住媽咪結婚果套衫參加謝師宴
 
我地班30人齊齊出席
 
我地成班同學其實好唔捨得大家， 我地果一晚玩得好開心
 
不過我仍然係俾人玩果個




 
「Miss Lam呀!!!我地成班有野問妳架!!!」Evelyn帶住成班同學走埋去老師檯
 
「嗯?有咩事呀?」
 
「妳先生真係畢業典禮上同妳求婚?」
 
Miss Lam面紅咁樣答我地「係真架，佢真係痴線到係畢業典禮上拎隻戒指出黎向我求婚」
 
「咁妳估下呢…妳個仔會唔會又咁做呢?」
 
我聽到佢地成班咁樣問法，我真係眼都突埋
 
「有可能架，Ethan做野比佢爸爸更痴線」Miss Lam望住我笑住咁講
 




其他同學係我身邊起哄「Natalie，準備好做第二位程太未呀?」
 
「咩..咩呀…小敏姐都未嫁…點可以爬佢頭架…唔得」
 
「嗯?要小敏嫁左先呀?應該差唔多啦?佢都拍左4年拖」
 
「Natalie準備做程太啦!!!!!!」
 
「喂!!!我叫左佢唔好咁早求婚住架…我都未讀大學…我仲要養媽咪架」我開始亂解釋
 
「好啦，妳地唔好再玩Natalie啦，佢呢，就應該走唔甩架啦」Miss Lam咁講，大家就更開心
 
「係…係掛…」我愈來愈怕羞
 
「咁Natalie妳今晚返宿舍定去我屋企?」




 
「係喎!!!!今晚夜啦喎，Natalie妳今晚去邊呢?」
 
「我…今日去Ethan到….」
 
我d同學愈來愈興奮啦
 
「好啦，妳地呀，Natalie去我屋企有咩問題?佢同Ethan拍拖…兩年半，佢都試過黎我屋企過夜架啦，不過次次都係佢瞓房，Ethan瞓廳」
 
Miss Lam不停幫我解圍
 
「妳地呀，下兩星期嘅畢業典禮乖d呀，唔好嚇親我個女呀」Miss Cheung係到對我地訓示
 
「大白鯊，應該係妳叫小鯊魚唔好再蝦我地先啱」大家都非常同意咁點頭





「詩敏，個女而家咪似足妳囉，佢係真光又係不停咁起飛腳」
 
「咁冇計架，妳個細仔又唔肯接收佢」
 
「妳真係俾個女F.1就拍拖咩?」
 
「唔俾」
 
「嘩…大白鯊，一陣妳唔俾沙律同Clodulf拍拖，佢嬲死妳都似呀」
 
「哈，到妳地做媽咪果陣就知點解我咁擔心個女啦」
 
「係喎，家琪妳地打算幾時搬去均益?」
 
「等我放榜後就會搬去架啦」