我是一個學界的灰姑娘: 156. 最後一次係學校散步

媽咪幫我扎好辮後，就同偉叔用家人身份去禮堂，因為今日我會上台領取優異生證書
 
我自己一個人係學校到行，呢6年間係學校發生好多事
 
由我第一日黎註冊，引起大風波
 
我F.1果時，俾人欺凌
 
到我F.4，遇上Ethan
 




F.1-F.6都俾大白鯊追殺，仲有溫柔Miss Lam對我嘅教導
 
經過排球場，會諗返起同小敏姐一齊練波，一齊贏學界女排
 
不知不覺間流下眼淚
 
「Natalie，妳唔洗唔開心」
 
我回頭一望，係校長
 




「校長!」
 
「傻女，今日之後，妳就唔洗再叫我做校長」
 
「點…點解呀?」
 
「因為我已經將妳視為孫新抱，妳以後都要叫我婆婆啦」
 
「不過…Ethan又肯定唔會今日同我求婚」我低頭有d失望
 




「哎呀，家琪妳恨嫁啦。真係…阿風又係嘅，當年搞咁多野出黎同雪凝求婚，之後就變左學校經典之一」
 
「校長…其實我擔心緊…我入唔入到醫科」
 
「妳同Ethan一樣，band A揀左HKU醫學院?」
 
「係呀…. …」
 
「浩揚做事好有分寸，妳可以放心信佢」
 
我陪校長係學校到行
 
「家琪，我總算冇睇錯人。當年我揀妳係啱」
 
「校長妳揀我?」




 
「冇錯，當年妳係便利店為左美姐偷藥，果日妳遇上林醫生、遇上我個女，所有事我都知」
 
「點解…」
 
「妳係林醫生到登記左資料。當日妳返屋企之後，林醫生就搵雪凝同詩敏，將妳所有資料俾哂我」
 
我地兩個繼續行
 
「當我睇到妳個名時，就打電話去北角官小，約妳當時校長見面。我一睇妳所有野，發現妳同我契仔契女好似，自幼喪父。我當時見妳成績表，係科科滿分咁滯。我諗返起我契仔冇左爸爸之後點樣放棄自己，我唔想再見到有學生再咁樣，所以我就決定收妳黎讀書。我做嘅決定冇錯，妳都同林醫生所講一樣，係一個孝順女」
 
「但係校長…Miss Lam同Miss Cheung又對我冇印象….我係註冊果日…」
 
「我做所有事，都唔會同個女仲有新抱講哂出黎，就好似我用慧思換嘉怡返黎咁」
 




「校長，我總覺得…佢地兩個會係一對對手，就好似….」
 
「好似我同Ethan麻麻咁?」
 
我點一點頭
 
「有可能架…」
 
我地繼續行