我是一個學界的灰姑娘: 140. 延續你問我答的傳統

「各位同學，有請我地今年你問我答嘅嘉賓，英皇書院嘅Ethan，程浩揚同學!!!!!順帶一提!!!今次係校長批准嘅!!!咩問題都可以問!!!!!」
 
現場氣氛一流，佢係唔知頭唔知路情況下中左伏
 
 而台下嘅大白鯊非常開心，我地巨鯊幫係到等睇戲
 
「你好呀Ethan，恭喜你成為我地英華女學校，你問我答嘅嘉賓。你好好運呀，你係第一個非我地學校成員嘅嘉賓」
 
「我一d都唔覺得好運囉好唔好」
 




「唔緊要啦，呢個係你屋企傳統黎架嘛。要知道你問我答呢個遊戲，當年係由你麻麻同我地而家嘅校長親自設計，而第一個嘉賓就係你爺爺」
 
「咁不如而家問米叫佢地上黎啦好嘛?」
 
「咁就唔好啦，唔好打搞兩位老人家休息，咁我睇返紀錄呢…你…爸爸都試過做嘉賓啦，仲有你媽咪Miss Lam啦，你姨姨，Miss Lam個妹妹Karen Lam啦，你姑姐…呀Miss Cheung啦…仲有你家姐，程詩敏Jasmine姐同埋孖女表妹都試過做嘉賓啦。咁仲有呢….前年….果位同學都係嘉賓啦。」
 
「咁關我咩事呢?」
 
「所以我地想繼續呢個傳統落去」
 




「我而家坐得係到，都走唔甩啦」
 
「係呀，校長親自指明係你做嘉賓，點解呢?」
 
「哦…可能我舊年同佢先生打麻雀，贏左錢掛」
 
「你食左鋪咩牌呀?」
 
「清一色平糊無花自摸」
 




「8番喎」
 
「果時公公做十三么，當然唔可以俾佢食啦」
 
「咁我地問下先啦，其實你揀顧家呢首歌啦，係唔係真係好似你所講呢?你地幾個家庭都係靠各位女士支撐頭家呢?」
 
「唔…如果你話搵錢養家呢，就所有人都有份。不過，男士們就比較忙同困身，例如…我爸爸啦，做飛機師，如果飛亞洲比較好，可以即日返屋企。佢飛歐美澳新就慘啦，冇一星期都唔會返屋企。咁果時就要媽咪一個人湊我地三姊弟」
 
「咁你覺得Miss Lam會唔會好頭痛呢?湊三個」
 
「有我家姐又點會唔頭痛呢?」
 
「嘩…你咁大膽嘅…咁你呢?你有冇帶頭痛俾Miss Lam呀?」
 
Ethan係台上偷笑




 
「似乎有喎，請問係咩呢?」
 
「當時…幾年前有一排要用錢多，咁我就拎個人人有功練返去，向d同學投資下，點知俾老虎狗發現左。要見家長」
 
「咁有冇激到Miss Lam彈起呀?」
 
「嘩，我邊敢同佢講呀?佢平時係學校都俾家姐同兩個表妹激到生蝦咁跳啦」
 
「咁係唔係爸爸幫你去見家長呀?」
 
「唔係呀」
 
「唔通係…Miss Cheung?」
 




「都唔係，亦唔係阿姨去」
 
「咁係邊個呢?」
 
「妳地校長」
 
「下!!!我地校長?」
 
就連台下都不停咁”下”