我是一個學界的灰姑娘: 141. Ethan嘅花式自殺

「係呀…因為我知我實俾媽咪鬧死，爸爸就一定會扣零用錢，所以我就搵婆婆幫我」
 
「咁校長有冇話返俾Miss Lam知呀?」
 
「冇」
 
「不過我見Miss Lam係台下好似搵緊棍喎」
 
「呀…冇事嘅，一陣我去校長室就得」
 




「咁點解果時要用錢多呢?」
 
「下…呢個問題…」
 
果排佢係同Fiona拍拖時期，我好記得架。我撓實雙手睇佢點答
 
佢係到不停呀…呀…呀…
 
然後佢有同學代答
 




「佢果時拍緊拖洗費大丫嘛，咪返黎叫我地投資下囉」
 
「咁…Ethan個女朋友係邊間學校架?」
 
「佢好鍾意著長衫嘅女仔架」
 
咁樣講，我地全校哄動
 
「咁你知唔知係邊間友校嘅同學?」MC將枝咪拎左去俾佢同學
 




「佢ex..培道啦，白色長衫，個叉仲要好高。咁佢仲識d…協恩啦….真光啦….St.Paul男女啦….聖士提反d女仔咁者」
 
果時我雙眼對住台上嘅佢，瞪到超大
 
佢幾時有咁多女朋友架
 
「嘩…Ethan你有咁多女朋友架?」
 
「唔係，只有一個培道妹者，其他果d佢都冇追人地」
 
「即係其他友校同學係過去式呀?」
 
「唔式呀，我都冇追佢地，朋友關係者」
 
「我都知架啦，如果剛才果d女仔真係你女朋友，我諗你出唔到我地學校門口都似。咦?你做咩咁緊張嘅?有識嘅女仔在場呀?」




 
「咁….我成日跟媽咪黎…又成日俾家姐老點我上黎幫佢做野…唔多唔少都識到妳地d同學嘅」
 
「我知，姓余果位同學丫嘛，明架啦，佢d問題未到，你等等啦」
 
「咁就唔洗問佢嘅」
 
「唔得。咁校長個先生呢?佢又係好忙?」
 
「係呀，公公佢…經常要開會，佢有時比我爸爸更忙。妳諗下，當屋企只有妳地校長…同埋…學生時代嘅Miss Cheung，會唔會頭痛?」
 
嘩….佢今次真係花式自殺囉
 
「咁我明嘅。咁其他屋企都係一樣?」
 




「係呀，如果唔係佢地幾位一齊互相幫忙嘅話真係好辛苦，妳試想下有對孖女係屋企，係唔係好煩呢?」
 
「好好好，我地而家入正題先。其實我地好多同學都想知道男校入邊嘅生活係點嘅」
 
「咁點解問我呢?」
 
「咁都要俾Miss Lam知道佢個仔係學校做咩架嘛」
 
「咁點解唔搵我細佬呢?」
 
「佢得果F.1，邊好玩架，好!!開始問題」