我是一個學界的灰姑娘: 139. 突如其來嘅你問我答

「呀Ethan哥，你都….換左好多套衫喎，請問係咪有特別意思呢?」
 
「係囉，仲有英華呢對咁靚嘅孖女一齊幫你係到演出」
 
「其實呢….飛機師係代表我爸爸，藥劑師係代表我姨丈，而入境處制服係代表姑丈同我公公嘅」
 
「咁呢對孖女呢?你用咩方法請佢地上黎架?」
 
「呢對孖女，Frederica同Elizabeth呢」Ethan係台上攬實佢地兩個
 




「係我表妹，我同佢地有d似樣架」
 
「真係…有少少似」
 
「因為我似媽咪多」
 
King屎果邊一聽到Ethan咁講，大家都一齊大叫
 
「Ethan哥!!!!我要捐錢呀!!!!!」捐咩錢丫，想識對孖女就出聲啦
 




「咁其實你首歌係代表咩呢?」
 
「其實呢，上邊d對白，全部係出現過我地幾個家庭之中。所以呢，我就代幾位家人成日唔係屋企嘅男士們，向佢地太太講聲多謝。如果唔係因為屋企有佢地太太默默支持，佢地幾個唔會有今日嘅成就」
 
Ethan嘅心思真係非常好
 
「咁妳地兩位點解要出場呀?」
 
「喂，咁都要俾d甜蜜野俾人睇下架。我地扮返媽咪同姨媽有咩關係呀?咁我地又係鯊魚黨，扮埋鯊魚唔得咩?」x2
 




佢地咁樣講，我地好難唔拍手
 
「但係主角係Ethan，點解唔係搵果位同學上台扮呀?」我地學校MC係到拖我落水
 
「低調d，低調d」x2
 
「佢地兩個好難唔低調架喎，低調到全校都知」
 
「咁一陣人地可能要再上台架嘛，低調d」x2
 
對孖女一直係到低調d咁移步台下
 
「頭先呢，Ethan唱歌幾好聽喎」Ethan其實仲係台上
 
「係呀，代表屋企嘅男士送俾佢地太太聽…Miss Lam啦，Ethan同小敏姐個媽咪。




Miss Cheung啦，佢姑丈，仲有對孖女嘅爸爸啦，佢姨丈。仲有我地校長嘅先生啦，佢公公」
 
「呀…請問我走得未呀?」Ethan仲係企係台上
 
「唔係嘅，難得Miss Lam個仔係到，點都要問多d野嘅」
 
「喂…關於我屋企嘅事，我唔方便講架喎」
 
「唔係講你屋企，係講你」
 
「點解呀?」
 
「其實你係代表全港所有男校答架」
 
即係下一個環節係….




 
「各位同學!!!!我地英華每年一度盛事!!!睇人乜乜最開心!!!係咩呀!!!!」
 
「你問我答!!!!!!」
 
好快，台上大布幕升起，同時間響起你問我答音樂
 
而Ethan就俾佢d同學推左係張椅上坐低
 
而你問我答主持人，今年F.5嘅美少女Phoebe已經坐左係到