我是一個學界的灰姑娘: 133. 小鯊魚嘅命中宿敵

結果第二日，慧思就同李sir拎返註冊證返去大坑真光。而校長交換返黎嘅學生，就係同一日黎到註冊
 
我專登由宿舍黎見下佢
 
當佢入黎校門果時，佢好似好開心咁，而且個人好有自信，始終佢係校長親自邀請黎讀
 
大白鯊同Miss Lam幫佢註冊果時，佢地都睇真呢個學生
 
佢細細個已經生得好靚，扎住一條馬尾，而且佢有一個好甜嘅笑容
 




的確佢比慧思更靚，佢有d似大陸版倚天屠龍記嘅周芷若
 
大白鯊見到呢個女仔，立即板起塊面。可能佢覺得呢個女仔會同慧思成為對手
 
其實慧思性格有d似趙敏。咁樣佢地兩個會唔會爭張無忌呢?
 
「孫嘉怡同學，我知道妳係校長親自挑選入黎我地學校」
 
「係，我唔會令校長失望」
 




「我唔知妳有咩能力可以令校長邀請妳黎讀書。我希望妳唔好自滿」
 
「係，我知道。請問老師妳係…?」
 
大白鯊微微一笑「我係呢到嘅訓導主任，張詩敏老師，我隔離嘅係生物科科主任林雪凝老師，我地兩個都係英華女校OG」
 
「Miss Lam、Miss Cheung妳地好」
 
「仲有」
 




「係」
 
「Miss Lam嫁左俾校長嘅契仔，係校長新抱。而我，係校長嘅獨生女」
 
呢位同學聽到佢面前兩位老師係校長親信之後，佢有d驚
 
「希望妳唔好令我媽咪失望，佢為左邀請妳黎讀…而…..算啦。Natalie!!!」
 
「係!!」
 
「帶佢去影學生證!!」
 
「同學，麻煩妳跟我黎」
 
當佢跟我行果時，佢忍唔住問我




 
「姐姐，點解…Miss Cheung好似咁惡咁嘅」
 
我有d唔忍心，佢未入學就俾大白鯊咬
 
「校長為左俾妳入學，將佢自己孫女同妳交換左去大坑真光」
 
「校長孫女?即係…」
 
「即係Miss Cheung個獨生女，Miss Cheung一直都係當自己個女係心肝寶貝」
 
「大坑真光呀….咪係我派到果間…」
 
「因為Miss Cheung個女係真光小學，佢仲係全級第一。校長甘願用佢最錫嘅孫女黎換妳返黎，妳估Miss Cheung會點諗?」
 




「咁..不如我….」
 
「妳千祈唔好諗轉校添呀….」
 
「唔該哂姐姐，請問…妳叫咩名?」
 
「我叫余家琪，Natalie」
 
「真係麻煩哂妳啦」
 
「正常我係唔應該幫妳，不過我又唔想妳俾大白鯊..即係Miss Cheung咬死」
 
「姐姐…點解妳咁講?」
 
「我係呢間學校嘅head prefect。我連同Miss Lam一對孖女外甥，同埋佢個女，我地嘅OG，被稱為校長四大護法，大內侍衛」




 
「唔該哂姐姐….我會小心架啦」
 
「係呢，妳有冇英文名?」
 
「我叫Winnie」
 
「咁妳中樂識咩樂器?」
 
「二胡、柳琴、古箏、琵琶、月琴」
 
「咁西樂呢?」
 
「小提琴。不過冇中樂咁叻。我仲係小學泳隊」
 




如果慧思同佢爭，我諗只有讀書一方面慧思會贏佢，我終於明白點解校長會搵Winnie黎讀
 
「9月1 日，準時返學」
 
「知道」
 
「仲有妳要著好d套校服，妳一定會俾大白鯊咬」