我是一個學界的灰姑娘: 132. 用自己孫女交換

當慧思走左之後，校長對大白鯊講
 
「詩敏，拎慧思張註冊證俾我」
 
「媽咪…做咩呀?」
 
「我咪話過，唔可以迫個女架嘛，妳迫佢黎做咩呢?妳唔記得慧賢讀到要食藥咩?」
 
「我記得」
 




「果時如果唔係妳老爺開口，我都唔會幫慧賢，我果時真係害左佢」
 
「但係媽咪…慧思佢會去邊?」
 
「大坑真光個副校長，係我學生」
 
「但係真光會放個位出黎?」
 
「我孫女係真光小學全級第一，四間真光都想搶佢。我就用慧思同大坑真光交換一個成績冇佢咁好嘅過黎」
 




當我地幾個學生同老師聽到校長咁做之後都嚇呆左。雖然我地同慧思好熟，但始終大坑真光同我地都叫做對手，點可以放走個成績咁好，仲要係流住英華女校純正血統嘅學生走?仲要係校長個孫女
 
「媽咪!!!」「校長!!!點解呀!?」
 
「哼!妳地成班只係著重成績，我嘅目標，係要我退休前，將英華女校帶到上全港第一。係運動上，我地已經打低左女拔。讀書上已經贏左瑪利諾。妳地諗下，我地差邊樣未贏到協恩?」
 
大家係到諗，然後大白鯊諗到
 
「媽咪…係唔係…中樂團?」
 




「冇錯，我係大坑真光換黎嘅學生，佢係學界中樂組小學級別拎過好多獎嘅學生。剛先我打左俾佢家長，對方同意黎我地英華到讀書」
 
「校長，果個女仔…叫咩名?」
 
「佢叫孫嘉怡」
 
「不過媽咪呀……咁樣慧思咪冇人照顧囉…」其實大白鯊都係擔心個女者，唔可以怪佢
 
「詩敏，仲有雪凝，我想妳地明白，個女係會長大，佢地總有一日會識男朋友，會結婚，會做人地媽咪，妳地唔可以一世攬實個女」
 
「奶奶呀…」
 
「雪凝妳估妳真係放心個女咩?妳比阿風更加緊張個女。就算而家小敏讀到大學，妳仲係咁擔心，個女就係自己識長大先揀去做護士。妳應該好似林醫生咁樣，放手俾妳同雪晴自由發揮」
 
「但係媽咪呀…」




 
「詩敏，當年妳就係因為有我係到，所以妳先係學校咁霸道。妳諗下，如果妳唔係我個女，F.1果時係籃球場妳咁樣做法，妳下場會係點?」
 
「係…」
 
「所以我先要換慧思走，如果佢呢6年係妳同我保護下，佢點會長大?」
 
「知道…」
 
「我知妳緊張個獨生女，我何嘗又唔係呢，佢係我唯一嘅孫女，冇人可以取代佢係我心中嘅地位，就係咁我先想佢獨立長大」
 
「係…」
 
嘩…大白鯊第一次認低威，校長不愧為校長
 




「Natalie!」
 
「係!校長!!」點解又有我份?
 
校長望住我「慧思最聽妳同小敏話，妳幫我管教下佢，等佢唔好當眾發脾氣。佢太似佢媽咪」
 
「係…知道」
 
之後校長拎起我隻手，睇下我隻戒指
 
「呢隻鑽石戒指，係Ethan送俾妳嘅?」
 
「係….」突然我好似心虛咁樣
 
「雪凝，妳知唔知Ethan送鑽石戒指俾家琪?」




 
「我知呀奶奶…係日本果時…我已經見到」
 
「個仔有冇為左買戒指而唔食飯儲錢?或者去賭波?」
 
「冇呀奶奶，佢d錢係自己慢慢儲返黎」
 
「家琪，我知道妳同Ethan F.5學期初嘅事」
 
「係…校長…係我處理得唔好…」
 
「再有男仔咁纏住妳，千祈唔好同小敏自己處理，有咩事都要同學校講。我唔係反對妳拍拖，我係想妳學識保護自己」
 
「知道校長」