我是一個學界的灰姑娘: 134. 去買新泳衣

慧思成功返到大坑真光，佢非常開心，開心到每次見親我都痴到我實一實
 
有時我係學校補課果時，會見到Miss Cheung帶佢返黎學校
 
「家琪姐姐!!!!」今日我係補PHYS，我又見到慧思啦
 
「點呀妳，返到真光之後，妳成個人開心哂啦」
 
「始終都係天藍色長衫最襯我」
 




我應承過校長，唔會將成件事咁來龍去脈同慧思講。不過校長叫我同慧思傾下，要佢激少D Miss Cheung
 
「妳呀，激少d媽咪呀，佢已經好唔開心架啦」
 
「咁又係佢迫我先嘅」
 
「咁係媽咪都想俾最好嘅野自己個女架嘛。Miss Cheung得妳一個獨生女，佢自然緊張妳架啦」
 
「但係都唔洗乜都為我安排好哂嘛…」
 




「我都明，但妳都唔可以成個頂心杉咁樣架」
 
「知啦知啦，姐姐妳有冇泳衣呀?」
 
「唔?有呀，做咩呀?」
 
「一件頭果款呀?」
 
「咁當然啦，係學校游水堂當然要著一件頭啦，做咩事呀?」
 




「唔…我要買定新泳衣上游水堂，仲想買多一套平日用…咁SOGO做緊泳裝減價…買三件有折扣…」
 
「喂喂喂…妳想買咩款先?」呢個小妹妹人細鬼大啦
 
「三點式」佢好怕羞咁講
 
「三點式!?」我大叫左出黎
 
「妳咁細個著咩三點式呀?」
 
「咁….我開始大個啦嘛….都想試下」
 
「妳著俾Clodulf睇呀?」
 
「佢睇有咩所謂，我同佢細個一齊沖涼，我同佢都睇過大家全相啦」




 
「咁妳想我同妳去俾意見呀?」
 
「唔係呀，捉埋妳去買呀」
 
「我買!?」
 
「下星期我想去沙灘到玩，不過有人唔鍾意，怕曬黑，所以咪改為去游池囉」
 
「去會所泳池?」
 
「係呀，而家整埋嬉水池，我想去玩下」
 
於是我放學後，同埋慧思去揀泳裝，佢揀左套粉紅色三點式連裙。我揀左套粉藍色
 




係更衣室內，佢望住我個胸
 
「做咩呆左呀妳」
 
「姐姐…我想摸下妳個胸」
 
係女校入邊，摸同學個胸係一個好平常嘅行為，所以我都照俾慧思摸
 
佢一摸，然後面紅紅咁望住我，再睇下佢自己對小籠包
 
個傻妹開始有D失落
 
大家都係女仔，我知佢諗咩嘅
 
「喂喂，妳擔心緊自己個胸唔會大呢?」




 
「姐姐…妳點知架」
 
「妳係更衣室摸完我之後就咁樣，係人都知啦」
 
「咁我有少少擔心…媽咪都係 B同C之間，相反姐姐妳…家姐..契媽..妳地都有C…」
 
「傻妹呀，唔一定要個胸大架嘛。唔通妳只想靠個胸黎吸引男仔咩?」
 
睇黎呢個小妹妹要好好開解下先得