我是一個學界的灰姑娘: 131. 小鯊魚決戰大白鯊

終於到左F.1註冊日子，慧思一如大家所料，佢係大白鯊安排下入到黎我地學校
 
當日有幾個同學陪我一齊，我地好怕慧思會發脾氣
 
李sir部車到啦，一落車，慧思就跟住大白鯊一齊黎到禮堂
 
佢嬲爆爆咁行過黎我到
 
「係咪真係得架?」
 




「妳中學部點講?」
 
「佢地話要有位先得，我點都要註冊左先」
 
「妳註左冊先啦」
 
「如果我返唔到黎，我一定會憎死媽咪」
 
嘩…兩條鯊魚互咬呀
 




慧思佢嬲爆爆咁坐去其他老師到註冊，佢當時嘅煞氣不下於佢媽咪
 
終於註冊好哂，要去影學生證果時，慧思發難
 
「唔影呀!!!」佢開始有眼淚出黎
 
「點解唔影呀?妳都要整學生證架嘛」
 
「有妳係到我洗乜整學生證呀!!」
 




出現啦!!!大白鯊獨門絕技「由彎到講到直」
 
「咁妳都要整架」
 
大白鯊第二式，「煩到妳嘔電」
 
「唔影就唔影!!!再煩我嘅話我就退學唔讀!!」反正妳都準備退學
 
係呢個時間，我地要出場安撫下慧思啦
 
「Miss Cheung呀…細路女發脾氣者..妳俾我地幫妳啦」
 
同時，李sir出手
 
「老婆呀…妳由得個女冷靜下啦」




 
「就係你寵到個女咁架!!!」
 
其實大白鯊妳又何嘗唔係俾自己爸爸寵壞呢?
 
「妳去唔去影呀!!!」大白鯊真係鬧個女啦
 
「唔去!!!!」
 
為免有血案發生，有老師係到安撫大白鯊。同時，我地有同學去左搵校長
 
「Miss Cheung…細路女發脾氣，妳都冷靜小小先，妳身為訓導主任…俾其他家長睇到唔太好」
 
當校長落到黎果時，慧思就痴埋去
 




「婆婆!!!媽咪佢蝦我呀」
 
大白鯊聽到咁樣，同樣地向校長投訴
 
「媽咪呀!妳個孫女唔肯去影學生證呀，仲係到駁咀呀」
 
「得啦，我會處理，妳返去做野先」
 
我地跟住校長同慧思行埋一邊，佢拖到我實
 
「慧思呀，做咩唔去影學生證呀?話俾婆婆知」
 
Charlotte望住我地幾個，再揈下我
 
「校長，Charlotte佢同我地講過，話Miss Cheung同爺爺一齊希望慧思黎我地學校讀書…但係」




 
「但係咩!?」
 
「Charlotte大部份同學同朋友都揀返真光..就算去唔返大坑，佢地同學會揀返其他真光..而且..」
 
「婆婆呀，我唔想好似家姐咁…係到讀書讀到要食藥呀」
 
「但係妳已經派左黎啦喎」
 
「唔制!就算係，我都唔會入學」
 
Charlotte佢態度好堅定
 
同時間，Miss Lam都有d擔心咁行過
 




「雪凝!」
 
「係!奶奶!」
 
「浩翹去左英皇註冊未呀?」
 
「佢剛先註冊左啦，但係…佢自己去左皇仁到報入學試」
 
「做咩無啦啦去Queen’s呀…」
 
「唔知佢呀…」
 
Miss Lam去安撫下慧思
 
「妳做咩事同媽咪鬧大交呀?」
 
「契媽呀!!!!我唔想黎讀呀!!!但係媽咪都唔聽我講!!!」
 
「媽咪幫妳安排好哂d野唔好咩?有媽咪同婆婆係到喎，仲有我同家琪姐姐，同埋孖女家姐呢」
 
「我想同d朋友一齊開開心心咁讀中學呀…」
 
校長望住自己個孫女，佢應該諗緊方法
 
然後…校長打幾個電話，個電話一講完，佢就帶我地去禮堂交代幾句
 
「慧思，婆婆幫妳問左真光，佢地有位嘅話就會聽日打俾妳爸爸。如果冇，妳就要留係到讀書，得唔得?」
 
「知道啦婆婆」
 
「咁妳同daddy影完學生證後就返屋企先啦」
 
「知道」