我是一個學界的灰姑娘: 130. 被發現的戒指

第二日，我地都係精神飽滿咁起身
 
今日我地會搭巴士去山梨縣嘅富士急樂園，一去到Lobby我已經見到慧思同Miss Cheung同埋雪晴姨姨佢地幾個，連同小敏姐同孖女係到熱身
 
幾名男士就面有難色
 
食完早餐，去到新宿巴士站搭車，預計大約1個鐘車程
 
我合上雙眼補眠
 




當巴士到站我落車見到嘅景色果時，我就知道，今日我好大機會會嘔住返酒店
 
我見到嘅係，全世界最長最高最斜嘅過山車
 
亦見到手震住買飛嘅程機長、同埋兩個面色有點白嘅人夫
 
今日，係屬於巨鯊幫嘅日子(除左我)
 
本來以為佢地會揀D簡單D嘅遊戲做熱身，點知佢地一開始就話想睇富士山
 




所以就上左過山車
 
雖然我唔係坐車頭…但係果種刺激…並唔係一般嘅刺激
 
完全係恐怖嘅遊戲
 
我俾佢地捉左上去超過10次……仲有幾次係坐車頭
 
仲有玩左跳樓機之類
 




全日Ethan都唔係我身邊，因為佢自己驚到震
 
係晚上，我地去左間日式料理到食飯
 
我第一次食馬肉刺身，感覺上…冇咩特別者
 
旅程差唔多完結啦
 
我係最後一晚，同Ethan一晚內親密左三次。不過有一次佢整痛左我，因為佢唔小心篤錯左唔衛生果到，仲要入左少少
 
結果我罰佢唔准郁，全程我自己控制擺動速度
 
果一晚，我地兩個郁到就咁瞓左覺
 
新一年，又係返學嘅日子。距離DSE只有一年時間，所以我地課程愈來愈趕




 
係小息果時，Evelyn發現我左手中指上嘅戒指
 
佢捉起我隻手黎睇
 
「鑽…鑽石戒指?」Evelyn碌大雙眼望住我
 
我收返埋隻手「咁…咁又點喎」
 
「Ethan送架?」
 
「除左佢仲有邊個會送戒指俾我喎」我微笑咁講，我係從心中笑出黎
 
「呀!!!Natalie呀!!好羨慕呀!!!!係喎，妳聖誕去左邊到玩呀?」
 




「我?我…咪去左東京囉」
 
「我都知，妳同Miss Lam去丫嘛，好唔好玩呀?」
 
「唉…大白鯊兩母女真係痴線架…」諗返起d機動遊戲真係恐怖
 
「做咩呀?」
 
「大白鯊兩母女囉…捉我去玩機動遊戲，嚇到我軟哂」
 
「喂喂喂，咁我問妳啦，妳係日本係唔係同Ethan同房呀?」
 
本來我想講佢知嘅，但諗諗下都係唔好啦
 
「唔係呀，我同小敏姐同小鯊魚同房」




 
「哎呀，我仲以為妳會同Ethan黎一場大戰添」
 
「喂，係呀，小鯊魚要我地幫手呀」
 
「咩事呀?」
 
我將慧思所有事講哂俾Evelyn知道
 
「嘩…妳想幫小鯊魚對抗大白鯊呀?」
 
「但係如果慧思入左黎讀，佢又唔開心，點算呢。小敏姐講過，慧思個堂家姐果陣被迫入黎讀，讀到差d跳樓咁滯」
 
「小鯊魚個家姐??哦!!!李慧賢，佢最後都碌到入大學呀」
 




「我聽慧思講，佢家姐果陣壓力大到界手，仲要食藥添呀」
 
「嘩…如果小鯊魚入到黎….佢會點呢?」
 
「一陣佢走去跳樓就弊。妳諗下，佢係校長唯一嘅孫女，問題會好大」
 
「有冇打算說服大白鯊呀?」
 
「大白鯊就係想個女入黎讀，可以24小時睇實個女」
 
「咁呀…」
 
「其實Miss Lam老公教左我地方法，唔知行唔行得通」
 
「係咩呀?」
 
「叫大坑真光中學部幫佢留定位，當佢係我地到註冊左，立即退返註冊證俾佢，等佢可以返真光註冊」
 
「呢個方法都唔錯嘅」