我是一個學界的灰姑娘: 125. 恐怖嘅鯊魚母女

佢地兩個小朋友回頭捉住我
 
「做咩事呀?」
 
「去玩過山車啦家琪姐姐!!!」
 
「點…點解呀!!!」我係有D怕玩呢D咁刺激嘅遊戲
 
係過山車上，我捉到扶手實一實，Ethan同浩翹佢地幾個係我後邊食花生，我同慧思就坐第一排
 




點解大白鯊個女仲痴線過佢架!!!!
 
落車後，就係剩低半死嘅我
 
然後Ethan玩槍game，佢又真係百發百中喎
 
我地仲有玩左小熊維尼同埋白雪公主，果然係比起香港果個更好玩
 
而我，都俾慧思玩到不似人型
 




係午餐時間係我唯一一個機會可以休息，之後我又受到李小姐嘅虐待
 
終於忍唔要，要向Miss Cheung求救
 
「下?家琪妳俾慧思玩到謝哂啦?」
 
「少少咁啦」其實都唔係少少
 
「黎黎黎，我陪下妳啦」
 




一聽到大白鯊要陪我，我忽然覺得有d不詳預感
 
結果我又俾大白鯊捉左去玩機動遊戲，係由頭玩多一次
 
幾經辛苦…終於陪完大白鯊玩，係晚上，我地坐係迪士尼自助餐廳之中，我真係得返半條人命
 
Ethan見到我咁慘，佢就去幫我拎野食
 
「點呀?辛唔辛苦呀?」
 
「果然冇俾你講錯，Charlotte真係唔怕機動遊戲，但我估唔到大白鯊都唔驚」
 
「小事啦，阿姨去環球影城果陣仲痴線」
 
「喂呀，今晚我同唔到你親密架啦，太攰啦」




 
「我都預左架啦，妳返去沖完涼就瞓啦」
 
去到晚上8點，我地去到城堡附近
 
“Boom~Boom~Boom”東京迪士尼準時放煙花
 
東京嘅煙花比香港果個更大更靚
 
我睇煙花果時自動攬實Ethan
 
「靚唔靚?」
 
「好靚呀…不過煙花一閃即逝」
 




「妳睇過最靚嘅野，就會永遠係妳腦海之中，就好似…」
 
「好似咩呀?」
 
「我對妳咁囉」
 
「咩呀…你而家話我地似煙花，一閃即逝?」
 
「傻女，我係話妳永遠都係我腦中心中呀」
 
「算你啦」
 
“Boom~Boom~Boom~”我地繼續係到睇煙花
 
返到酒店，我立即除鞋襪大字型瞓係床上




 
「妳仲唔去沖涼?」
 
「知啦」
 
由於Ethan出去探過，肯定其他人都沖涼或者有事做後，佢走埋入黎一齊沖
 
「喂呀…話左今晚唔親密囉」
 
「一齊沖涼之嘛」
 
「你呀!!咸濕仔呀!」不過我都係冇趕Ethan出去
 
沖涼時我幫佢摔背脊，佢又幫返我
 




不過佢幫我果時雙手又唔乖佢不停摔我個胸
 
「喂呀…你未摸個女仔個胸咩，不停摔我」
 
「摔大D唔好咩?」
 
「夠用啦…太大我唔鍾意架…你睇下阿yan，D Cup胸，佢好辛苦架」
 
「佢d cup又點丫，佢有咁多肉」
 
「你咁話佢架。好啦，沖完啦再留係到我今晚唔洗瞓啦」
 
我地兩個沖好涼，又坐係到吹頭
 
「今日妳真係攰到一個點喎」
 
「當然啦，以為只係俾慧思一個玩，點知連自己班主任都咁痴線」
 
「聽日去海洋迪士尼，會好d架啦」
 
「係唔係架?」
 
「果到只有一個過山車」
 
「我信你架啦」
 
然後我地兩個又一齊攤落床，大覺瞓
 
真係正如Ethan話，海洋迪士尼係冇咁多野玩，不過個境真係好靚
 
仲有海底兩萬里嘅潛艇
 
之後果一日冇之前咁刺激