我是一個學界的灰姑娘: 124. 向東京迪士尼出發

第二朝，我地房電話響起，係小敏姐打俾我地
 
我一拎起個電話，就已經聽到佢把聲
 
「著衫啦，落去食早餐，然後去迪士尼」
 
我迷迷茫茫咁去刷牙，同時Ethan朦下朦下咁入黎
 
之後佢攬實我條腰，一齊刷牙
 




15分鐘後，我地去到Lobby食早餐
 
果時大人們已經到哂
 
我走去同各位大人講早晨之後先發現，d小朋友全部未到
 
「咦? Frederica同Elizabeth呢?」
 
「佢地兩個一定係換緊衫啦，佢地唔到最後一刻都唔出門口嘅」雪晴姨姨係到飲緊橙汁講
 




果然冇錯，孖女真係好遲先落黎，然後亦見到小敏姐帶住浩翹同慧思落到黎
 
佢地四個不約而同咁講「我仲未瞓醒呀」
 
「邊個叫妳唔叫醒我呀!!」
 
「係妳唔早d起身叫我呀!!!」
 
呢對孖女又開始互相推卸責任
 




「浩翹，你做咩咁眼瞓呀?你尋晚好早瞓左啦」
 
「媽咪，尋晚有人好反瞓嘛，瞓瞓下又踢我幾腳，之後隻手又揈過黎」
 
「咩呀!!!你好唔滿意呀!?今晚你瞓地下囉!!!」慧思第一次面紅紅咁抗議
 
一講到去玩佢地立即食好早餐，然後搭JR去迪士尼
 
原來日本D電車上都有暖氣架，所以只有戶外先會凍
 
去到東京站，一個好大嘅車站。聽同學講，你可以係東京車站中生活，果到有食肆、有膠囊酒店、可以洗衫瞓覺，又可以上網，仲有鞋舖同衫舖
 
我地搭上京葉線，向舞濱站出發
 
一落車，已經見到好多旅客，好在我地一早買定入場卷




 
「好啦，而家9點，12點去返小鎮大街集合，小敏妳照顧住D細佬妹」Miss Lam俾左錢我地，我地一班細佬就好似甩繩馬騮咁走哂
 
第一樣野要玩嘅，就係旋轉木馬
 
我同慧思一人一隻旋轉木馬係到玩，Ethan同浩翹就分別幫我地影相
 
小敏姐見狀就等慧思行開同我地講
 
「你地話丫，細佬最後會唔會同慧思拉埋天窗丫」
 
「好難講呀表姐，佢地尋晚有冇…越軌呢?嘻嘻」x2
 
「佢地點夠膽丫，雖然佢地又係孖鋪，慧思仲攬實細佬瞓」
 




「但係…Miss Lam同Miss Cheung又俾佢地咁做嘅」
 
小敏姐load一load「可能佢地都接受左掛」
 
「但係表姐，姑姐好似同姨丈細個果時拍過拖，姨媽咁都唔介意?」x2
 
「大家各自有歸宿，又點會介意，冇理由因為上一代嘅事而影響自己嘅下一代」