我是一個學界的灰姑娘: 116. 聖誕聯歡會

「家琪，妳聖誕節想唔想去玩?」
 
「你帶我去邊?」
 
「妳唔覺…今年妳地聖誕節冇話要補課咩?」
 
係喎，往年總係要補課補課，但係今年一d消息都冇喎
 
「係喎，點解呀?」
 




「今年細佬同慧思話想去東京迪士尼，咁舊年家姐F.6冇去…今年咪去返囉」
 
「咁關我咩事呀?」
 
「媽咪話帶埋妳去」
 
「咁…你想唔想我去?」
 
「想呀…」
 




「問准媽咪先啦」
 
放學後，Miss Lam黎到宿舍搵媽咪
 
「美姐」
 
「Miss Lam妳有事搵我呀?」
 
「係呀，關於家琪架」
 




「係咪佢犯左事呀?」點解媽咪永遠都覺得我會犯事呢?
 
「唔係呀，其實我想聖誕節期間帶家琪去日本旅行」
 
媽咪聽到之後反問返Miss Lam
 
「但係…聖誕節應該係妳地屋企旅行，帶埋家琪嘅話又好似…」
 
「唔緊要架，如果家琪唔去，浩揚未必玩得開心」
 
「咁呀…」
 
「放心啦美姐，我會照顧家琪。而且妳地一蚊都唔洗出」
 
「咁點得呀?」




 
「機票我地有平，洗費唔係好多」
 
「咁就麻煩哂Miss Lam妳啦」
 
我地今日係學校舉行聖誕聯歡Party，為好趕嘅學校生活，加添一d輕鬆
 
今日有交換禮物遊戲，大家以為女校一定會好純真
 
咁你地就大錯特錯啦
 
我地交換禮物嘅變態程度肯定比起男校更變態
 
課室擺左小食係檯面；有沙律、菠蘿腸仔之類，都係果d架啦
 




我地等大白鯊黎到就會進行抽獎
 
課室門一打開，入黎嘅係…小鯊魚Charlotte
 
「慧思?妳黎做咩呀?」
 
「家琪姐姐，我今日開始放假啦，媽咪費事我係屋企搞破壞咪帶我返黎囉」
 
大白鯊不知不覺已經當學校係託兒所咁用
 
「妳一個人黎咩?」我好奸咁問佢
 
Evelyn係我身邊加把口「妳男朋友仔呢?」
 
「咩…咩男朋友呀?冇…冇呀…」小鯊魚尷尬個樣好得意




 
「Miss Lam個細仔喎，佢唔係妳男朋友咩?」Evelyn繼續整蠱慧思
 
「關…關佢咩事呀?」
 
「點會唔關事?」我地班愈來愈多同學黎圍住小鯊魚
 
然後佢大叫
 
「媽咪!!!班姐姐蝦我呀!!!!」
 
呢條小鯊魚講大話真係唔眨眼
 
「唔洗搵啦，妳媽咪去左教員室，嘿嘿嘿嘿….」
 




冇錯，Miss Cheung救佢唔到，但唔代表第二個救佢唔到
 
「婆婆!!!」慧思向門口大叫
 
「喂…妳唔好用校長黎大我地喎，我地巨鯊幫唔驚架喎」
 
大家係到玩小鯊魚玩得好開心
 
連校長企係門口都唔知，然後校長咳左兩聲
 
「婆婆!!」慧思好快走過去
 
「大鑊…又玩大左….」呢個係當時大家嘅心聲