我是一個學界的灰姑娘: 115. 我第一隻戒指

係今年，我地學生會同Ethan佢地學生會搞左聯校活動
 
因為兩間學校嘅學生會內，有一對龍鳳胎，佢地兩兄妹成為左學生會幹事，所以兩間學校少不免會有接觸
 
我地學校嘅天文學會搞左個觀星活動，仲係通宵果隻
 
係宿舍入邊，我執緊去觀星嘅野。我平時冇留意d星架，係Ethan叫我去我先去
 
我真係唔太適合通宵
 




「家琪呀」
 
「咩事呀媽咪」
 
「妳同浩揚呢…就去通宵觀星…咁妳大個女佢又大個仔啦…所以呢」
 
我已經知道佢想講咩
 
「記住要安全d呀」
 




果然冇俾我估錯
 
「媽咪呀，總唔會係咁多同學面前，係個帳篷入邊…做果d野呀?」
 
「我係指妳…去Miss Lam屋企過夜果時呀…我唔係唔信浩揚，但係而家時代唔同，妳記住要做好安全措施呀」
 
「知啦知啦，妳唔洗成日提我架!!!」
 
今次觀星，兩間學校各派出兩位老師出黎帶隊
 




係夜晚嘅西貢，大家望住個天係到發呆
 
我坐係Ethan身邊，一齊用望遠鏡
 
「點解你無啦啦參加觀星嘅?」
 
「見佢地黎西貢，以為會好浪漫咪叫妳黎囉，點知道會咁多人者」
 
真係…果日係西貢係好多同學係到睇星。如果唔多人嘅話就真係好浪漫嘅
 
「妳咁大個女第一次露營，美姐有冇提妳d咩呀?」
 
「有呀，媽咪叫我地要小心d，做好安全措施」
 
浩揚聽到後低頭望住我




 
「望咩呀?今晚咁多人，唔得呀」
 
我挨住Ethan膊頭，雙手撓實佢
 
好彩四位老師都知道我同Ethan拍緊拖，所以佢地都冇過黎分開我地
 
我覺得佢地係俾面Miss Lam同埋校長者
 
愈來愈夜，但係個天愈來愈多星星，氣氛開始浪漫
 
Ethan轉身睇見好多同學都走左去瞓，佢係褲袋拎左個盒仔出黎
 
「家琪」
 




「嗯?」
 
「送俾妳架」佢遞左個盒仔出黎
 
我接過個盒仔「咩黎架?」
 
「妳打開先啦」
 
「呢個唔係音樂盒喎」我笑住咁講
 
我慢慢打開個盒仔，入邊，係一隻小小嘅鑽石戒指
 
當我一見到隻戒指果時，d眼淚不自覺咁流出黎
 
「你…做咩送戒指俾我呀?」




 
「咁拍拖周年果日又冇慶祝，所以我咪買隻戒指俾妳囉」
 
「點解要係戒指喎」
 
「話俾所有人知，妳，余家琪，名花有主」
 
「我之前咁樣…你仲送俾我…」
 
Ethan攬實我「咁兩個人拍拖一定會鬧交架啦，點會一帆風順呢?爸爸同媽咪都成日鬧交啦」
 
我邊笑邊流眼淚咁望住浩揚「多謝你仲咁信我」
 
浩揚幫我戴隻戒指係左手中指上「我落左訂啦，妳冇得反悔」
 




我捉到佢更實「你唔准唔要我先真呀」