我是一個學界的灰姑娘: 117. 有後台嘅小鯊魚

「校長!」大家好齊咁同校長打招呼
 
「點呀慧思，妳同媽咪班學生玩得好開心呀?」
 
Charlotte個樣好奸咁望住我地「幾啦」
 
果然有後台係唔同d
 
「妳乖乖地唔好搗亂知唔知?媽咪就快上黎」
 




「知道」
 
「Natalie」
 
「係!校長!」
 
「妳幫我照顧住慧思先啦，佢最鍾意痴妳」
 
校長有令，莫敢不從
 




「領旨係!我知道」
 
校長離開左之後，慧思就好似大家姐咁坐係到，而我就企係佢身邊
 
「家琪姐姐，妳….」佢好細聲講，再望下四周
 
我行埋佢身邊靜靜聽
 
「今晚妳又去契媽到瞓呀?」
 




佢個樣好奸咁望住我，又係到奸笑。點解呢個小學6年級小妹妹咁叻架?
 
今日我一放學就會返宿舍換衫同拎行李去Miss Lam屋企，然後再返黎同媽咪偉叔做冬，聽日就去校長屋企做冬。後日一早出發。
 
我向佢點一點頭
 
「又同浩揚哥哥同房呀?」佢笑得愈來愈奸
 
「咁…我係佢屋企有齊哂野嘛…」
 
「真甜蜜囉…」
 
我地俾慧思玩左一陣後，佢媽咪，大白鯊終於返黎啦
 
同時我地個聖誕聯歡正式開始




 
大白鯊望清楚校長唔到我地呢層後…
 
「今日我地巨鯊幫除左粗口之外咩都可以講!!!」
 
然後大家一齊歡呼，大量三級話題開始出黎，就連大白鯊都講埋一份
 
「Miss Cheung….Charlotte係到…我地d話題會唔會….」
 
「怕咩丫!!!話明係我個女，佢冇問題架啦!!!佢睇BL仲多過妳地睇AV」
 
大白鯊咁講，大家立即碌大隻眼望住慧思
 
「咩呀!大家姐俾我睇嘅，我地真光都有性教育堂架嘛，妳地唔係以為我覺得我係突然間係媽咪個肚到走出黎架?」
 




既然佢咁講，大家都唔洗再扮乖女
 
我地班上出現無數話題，包括；邊個阿sir追緊邊個Miss。有人見到阿sir電腦紀錄有咸片網站bookmark左。見過Miss係sex toys shop行出黎，可能去左買震蛋或者假狗
 
而我地班當日大抽獎嘅禮物肯定有m巾、胸圍、喱士底褲之類
 
究竟邊個話我知女校嘅女仔會好乖架?
 
係我地玩得好開心之際，唯獨係慧思個樣有少少失落咁。同浩翹鬧交?唔會嘅。M到?佢就算M到都會好活躍
 
未做功課?呢個更加唔會，因為慧思係果種一開始就清哂D功課嘅人黎。過兩日就旅行，佢點會唔開心呢?
 
於是我走去問佢