我是一個學界的灰姑娘: 114. Ethan學校嘅開放日

好快我地兩個拍拖一周年紀念日，不過我地兩個都冇著意去慶祝
 
因為我地F.5開始課程更加趕、補課係家常便飯
 
我地有冇鬧交?當然有啦
 
佢係我F.5學界女排決賽果陣又開盤，佢仲要買左100數對家贏
 
果一次我真係鬧到佢飛起
 




係我地英華女校排球五連霸嘅日子佢係到開盤
 
係我同Ethan拍拖果一年，係我學校開放日，到左今年，輪到佢地英皇開放日
 
所以我就應邀去佢學校參觀下
 
當然，我要帶住d姊妹一齊去
 
果日我地冇著校服，我著左普通t shirt加條裙
 




當我地一入到去果時，佢地d同學好似雙眼發光咁走過黎
 
「我地帶妳地參觀丫」「有冇相熟同學呢?」
 
十足十去樓盤俾d經紀圍住咁，然後，Ethan係人群中出現
 
我地幾個一齊嗌佢「Ethan!!!」
 
其他人一齊望向佢
 




「唔?黎啦妳地?跟我行丫」
 
有同學唔知我地底細，所以佢就同其他同學講
 
「佢地係我媽咪同姑姐嘅學生，英華女校」
 
所有人聽到我地學校名之後就立即散開，冇解嘅，校長威名遠播
 
我地係Ethan身邊跟住佢行
 
「喂，你地班有咩玩架?」
 
「唔…玩槍啱唔啱?」
 
「玩槍?係學校玩槍?」




 
「係呀，跟我黎啦」
 
我地幾個去到Ethan班房，係問答射擊遊戲
 
每問左一個問題之後，就要對住自己所選嘅答案開槍，射唔中就當答錯
 
又幾新奇刺激，所以我拎起枝槍
 
Ethan幫我上好膛
 
「一隻公雞加一隻母雞，請妳揀最啱嘅答案」
 
投影機射出幾個答案，我用槍一射
 




中左我心中答案
 
「冇錯!!係兩隻雞」
 
笑點好低嘅同學係呢個game中不停咁笑
 
係Ethan班房，有d自拍工具俾嘉賓玩
 
Evelyn佢地幾個拎起左黎自拍放上社交網站
 
而我同Ethan都黎左張合照，我地係佢學校玩得好開心
 
然後…..我感覺到好似有熟人出現咁
 
「妳地幾個，有冇玩到失哂儀態呀?」




 
呢把聲音，我地一聽到就毛管楝，大家一齊轉身
 
「校長」
 
點解黎到Ethan學校都會見到校長架……
 
Ethan校長仲要親自招呼校長
 
「婆婆」
 
「Ethan，佢地幾個有冇俾麻煩你呀?」
 
「冇…冇….」
 




「妳地幾個乖乖地呀，唔好咁失禮」
 
「知道」
 
然後校長繼續參觀。我地校長果然好出名，佢所經過嘅地方，總係有學生同佢打招呼
 
「喂Ethan，你地平時會唔會係呢到好文雅咁溫書架?」
 
Ethan聽到Evelyn咁講盲係到開懷大笑
 
「咁妳地會唔會小息果時玩撲蝶丫」
 
「當然唔會啦!!!」
 
「妳咪答佢自己囉!!!」
 
「你地唔係好文靜咁溫書架咩?」
 
「興奮地除人褲就有，小鳥左右擺」
 
「妖!!你地好變態呀!!!!」