我是一個學界的灰姑娘: 98. 好多人追嘅大白鯊

「校長」「校長」所有人都立即打招呼
 
「婆婆!!!」X5
 
「媽咪呀!!!!」
 
「果時係妳老公送妳返屋企呀，我唔出聲之嘛，妳知妳啦，成日都換男朋友」
 
「嘩!!!!Miss Cheung細個咁受人歡迎架?」
 




「佢呢，都係同人試下者，佢又真係幾多人追嘅」
 
「真係?」
 
「高記、英皇、聖保羅、DBS，好多男仔黎追佢，佢偏偏係揀中佢老公」
 
「WOO~Miss Cheung係校花喎」
 
「從此daddy就跌左落呢個深淵」大家聽到慧思咁講，無人唔同意
 




「邊…我邊到夠呢個冰山美人咁多人追呀?」大白鯊開始燒到Miss Lam果到
 
「咩呀?我同我老公小學已經認定對方啦喎」
 
「咁都係F.6先拍拖者!!!」
 
「咩呀姑姐，媽咪小學4年級果時就當爸爸係佢男朋友啦」
 
兩個老師開始互相數對方細個嘅笑料，為我地個BBQ帶來唔少笑聲
 




同時，大家腦中開始出現關係藍圖
 
「話妳地知啦，妳地班主任好怕打針、洗牙」校長坐埋黎講
 
「夠啦媽咪!!!」我立即記得有幫佢拍過片
 
「每次打針都好大陣象」
 
「校長，係咪好似咁呀?」我將段片播返出黎
 
“唔制呀!!!!!!!!!!!!!!!!!!!!!!!!!!!!!!!!!!”呢句好大聲
 
「係啦，就係咁啦」
 
大家圍哂過黎睇片




 
「家琪!!!妳…妳幾時拍架?」
 
「呀…係Ethan俾我架….仲有Miss Cheung妳細個打針d片」
 
「妳…妳點得到架?」
 
「daddy係到四周圍分享俾人睇囉媽咪」
 
「今晚我要執行家法!!!」
 
「喂喂喂…我屋企今晚冇位呀，妳唔好趕個老公上黎呀」     
 
兩位老師放低平時係課室嘅態度，同我地玩得好開心
 




Bbq過後，大家幫手清理好現場，我就執左d野去Miss Lam屋企住一排
 
臨行前，媽媽仲千叮萬囑，叫我唔好麻煩到Miss Lam
 
而且我仲要冇同Ethan講我會去佢屋企住一排
 
不過去之前呢…Miss Lam帶左我去一個地方….
 
佢帶左我去睇中醫
 
「Miss Lam呀……其實妳唔洗咁破費…」
 
Miss Lam轉身過黎同我講「妳個樣有時好攰，精神唔係好夠，而且有頭痛，所以我要帶妳黎睇中醫」
 
估唔到佢咁留意我




 
「妹妹，伸條脷出黎睇下…係….把把脈…好」
 
個醫師寫左一D野後再解釋
 
「妳D氣唔順，有時窒住窒住，所以有頭痛同攰，有冇出冷汗呀?」
 
「有時會有」
 
「經期準唔準?」
 
「準….因為我就….呀….」點開口好呢…不過個醫師都係女性，佢立即明白我有用藥
 
「我明啦，藥妳朝早食，中藥夜晚飲都冇問題，我會幫妳開埋藥調理下嘅」