我是一個學界的灰姑娘: 97. 聖誕BBQ

就係我地聖誕節前一日補完課後，我地4D班係學校燒野食
 
香氣四溢嘅情況下，一定會吸引到海洋生物出現
 
不出所料，小敏姐已經坐左係到，而且佢仲帶埋孖女黎
 
連同Miss Lam，我地好多人係到燒野食
 
「唔?姑姐呢?佢竟然會唔係到?」小敏姐由細到大都鍾意痴實大白鯊
 




「姑姐去接慧思同浩翹黎呀」原來果對小情侶又黎
 
「姨媽，咁二表哥呢?」x2
 
係喎，點解條友唔黎嘅?平時佢一定會出現架
 
「Ethan佢呀?佢去左踢波呀」
 
踢波!?佢會架咩!?
 




「Miss Lam…Ethan會踢波架咩?」身為佢女朋友，我竟然唔知
 
「我都係最近先知佢踢波，一陣妳問浩翹啦」估唔到連Miss Lam都唔知自己個仔會踢波
 
等到大白鯊黎到，我地剛好起左個爐
 
果對小情侶仍然糖痴豆咁樣
 
「浩翹呀，你阿哥幾時開始踢波架?」
 




「下!?家琪姐姐，妳同佢拍緊拖喎，妳唔知佢踢波架?」
 
「我真係唔知呀」
 
浩翹飲一啖可樂後講「阿哥讀中學開始踢波，佢又踢波又打籃球」
 
「但係點解揀今日去踢嘅?」
 
「哦，今日佢地好似係慶祝聖誕傳統活動呀」
 
「即係點呀?」
 
「佢地今日踢波之後打邊爐直落，去到夜晚先返屋企」
 
好多同學都圍埋一齊聽「Natalie，Ethan咁架，唔會陪妳嘅?」




 
「佢地兩父子係咁架啦」Miss Lam開口
 
「下?Miss Lam，妳先生又係咁架?」我地d同學有d好奇
 
「係呀，當年佢一考完中期試就好快走左去，只係同我講左句就走左，激死我」

「咁佢趕住去邊呀?」
 
「妳地問Miss Cheung啦」大家視線立即轉向大白鯊，當時佢成塊牛扒吞落肚
 
「佢呀?佢約左我老公同埋Miss Lam妹夫去踢波直落打邊爐。仲要扔低我!我真係想殺死佢地幾個」
 
「佢地中學同學黎架?」
 




「係呀，F.3至F.5同班同學，我就係經我阿哥先識到我老公，Miss Lam個妹都係」
 
「咁Miss Cheung妳點識佢架?」
 
「當時嘛，我跟阿哥去打波，然後識到我先生」
 
「果陣一定充滿火花」
 
「係架，佢仲經常性串我添」
 
呢個時候，Miss Lam係到質疑大白鯊
 
「我F.6果年喎」
 
「係呀，又點」




 
「妳果時未同妳老公拍拖喎，唔好以為我唔記得，妳F.3下學期先同阿熙拍拖喎」
 
大白鯊面紅紅「妳…妳記錯!!!」
 
「冇!!!!定係妳果陣已經對人有意思??」Miss Lam開始質問大白鯊
 
「冇呀!!!!冇!!!!!」
 
呢個時候，慧思又加把口「媽咪，妳明明話過妳F.3已經鍾意daddy，佢係妳12歲果時睇中左妳喎」
 
「係囉!媽咪話果時妳同姑丈好甜蜜架喎」X2
 
一聽到慧思同孖女咁講，大家都立即起哄
 




「嘩!!!!Miss Cheung!!!原來妳咁甜蜜架!!!!12歲就遇上妳先生，校長有冇俾妳拍拖呀??」
 
「有呀，婆婆俾媽咪F.3就拍拖，條件係全級頭五名，另加爸爸要入到大學」
 
大白鯊仍然死口唔認「冇呀!!!阿嫂妳記錯!!!!我今晚就去殺左怕羞仔!!!」
 
「姑姐妳排隊啦，daddy尋晚又買左部高達返黎，俾媽咪發現左啦」x2
 
有一個人肯定知道答案
 
「雪凝佢講得一d都冇錯呀，妳F.3聖誕果排成日有男仔送妳返屋企架」
 
大家一轉身，係校長