我是一個學界的灰姑娘: 99. 好可愛嘅三姊弟

去到Miss Lam屋企，我依舊沖個涼再幫Miss Lam煮飯
 
「係喎Natalie，做冬果日妳都要跟我地去奶奶屋企喎」
 
「奶奶?即係…校長?」我聽到之後手都震哂
 
「係呀，妳都要去呀」
 
由於Ethan今晚打邊爐直落，所以就剩低我同小敏姐、浩翹同慧思食飯
 




然後今晚到浩翹乖乖地去洗碗，當然，慧思都跟埋入去
 
而Miss Lam就煲好中藥俾我同小敏姐
 
期間我地都聽到Miss Lam同大白鯊對話
 
「慧思唔想返黎讀呀?」
 
「佢要揀返真光，但係我又好想佢返黎讀」
 




「點解呢?」
 
「咁…我得一粒女，點都要睇實佢架啦」其實大白鯊真係好錫個女架
 
「但係妳強迫佢，會有反效果架喎，妳唔怕個女嬲妳咩?」
 
「呢層到時再算啦」
 
「阿熙有冇意見呀?」
 




「姐姐妳識佢咁多年，妳認為呢….」
 
「冇」
 
「咪係囉，而且佢仲鬼咁忙」
 
「未來阿一喎，一定好多野做」
 
「佢而家已經夠忙，如果再升都唔知佢點」
 
「妳爸爸點睇?」
 
「爸爸當然想佢接班啦，佢就快退休」
 
「之後呢?入保安局?」




 
「佢唔入lu，費事煩啦」
 
原來大白鯊好想慧思返英華讀中學，但係以慧思性格，一定唔肯。咁浩翹呢?會去英皇定皇仁?就要睇慧思去邊到讀中學啦。呢對小情侶係廚房嘻嘻哈哈咁洗碗
 
我同小敏姐好快一口氣飲哂碗藥，真係好苦呀!!!!
 
係等Ethan返屋企期間，我又係佢房到溫書
 
終於去到11點，聽到佢返屋企啦
 
「嘩!!!!你打邊爐就打邊爐啦!!!成身一陣味咁返黎!!搞到我L好肚餓架!!!」我聽到小敏姐對住佢咆哮
 
「D!家姐妳自已唔跟我去之嘛，我有好多F.6師兄想追妳架」
 




「叫佢地慳D啦!我有Jayden架啦」
 
「得啦得啦，知妳係Jayden哥面前好小鳥伊人啦，又撓手又挨住人，好甜蜜」
 
小敏姐俾Ethan咁串一串，真係想殺死佢
 
「好啦!!!咪再L串我呀!!!!」
 
「我講事實者」
 
「阿哥你都係收皮把啦，小心家姐打柒你呀」
 
呢三姊弟相處模式真係好得意，可惜我係獨生女丫…唔通叫媽咪而家再生咩
 
Ethan好開心咁行返入房，就見到溫緊書嘅我




 
「家…家琪!?妳係到做咩呀?」原來佢真係唔知我黎住架喎
 
「媽咪同偉叔去旅行，Miss Lam叫我黎住，費事自己一個女仔係宿舍危險」
 
「咁我要瞓廳一星期呀?」佢又真係幾可憐嘅
 
呢個時間，Miss Lam係到講
 
「你可唔可以應承我，唔會對家琪做d咩先」
 
「只要唔洗瞓廳，乜都得呀」
 
「家琪妳呢?」
 




「我唔會同佢親密喎」
 
「咁Ethan你都瞓房啦，不過唔好鎖門呀」
 
「知道!!」
 
我望住佢「你仲唔去沖涼?」
 
「係…」
 
佢成身都係打邊爐味呀!!!!