我是一個學界的灰姑娘: 96. 聖誕節去邊到住

“又到聖誕~又到聖誕~”係街上不停傳出聖誕歌，普天同慶嘅日子又黎啦
 
不過我嘅聖誕呢…就有好多日要用黎補課
 
禍不單行嘅係，媽咪同偉叔去台灣玩，扔低我一個!!!而佢地嘅工作就交俾夜班保安跟進
 
我係小息同食飯果時係到準備俾浩揚份聖誕禮物。因為佢係一月生日，所以將聖誕禮物包埋生日禮物
 
第一年送俾佢嘅，係一條灰色頸巾，我係織高低針俾佢
 




織呀織呀，我係到好用心咁織。通常呢D時間，Evelyn一定會係到串我，果然不出我所料，佢又串我啦
 
「妳睇下妳丫Natalie，溫書都冇咁用心機呀妳」
 
「咁…織俾男朋友…係咁架啦…」我又係到繼續織
 
「聖誕要補課呀…..唉……」
 
「都係幾日者…」
 




「咁妳有咩搞呀?」
 
「我呀?唔…偉叔同媽咪去台灣玩…我一個人係宿舍囉」
 
「妳一個人?驚唔驚呀?」
 
「咁都冇辦法架」
 
Evelyn用一個好奸嘅眼神望過黎「妳有機會…叫Ethan陪妳二人世界喎」
 




「邊…邊到得呀…Miss Lam一定唔俾」
 
「但係妳一個女仔喎，妳去得邊?」
 
「唔知呀，我係香港都冇親戚，一係咁囉，妳收留我囉」
 
「收留妳?妳係咪介紹King屎仔我識先?」
 
「唔係」
 
「定係妳去Miss Lam屋企到住?」
 
「下!!?去小敏姐屋企?」
 
「妳之前都去過啦，過夜都試過啦」




 
「咁呀…..一係妳黎宿舍陪我囉」
 
「唔制!!!唔….不如我地係學校燒野食?班會活動?」
 
「即係要我洗野者!!!」
 
「但係聖誕節唔玩下會好悶喎…」
 
「唔…除非妳地肯幫手洗野啦….」
 
「冇問題!!!!」
 
於是大家就決定聖誕假期搵一日係學校bbq，但係首先呢，我要搞掂自己同條頸巾先
 




係我食飯期間，我仍然織緊頸巾，連Miss Lam入到黎我都唔知
 
「Natalie，妳知道美姐聖誕期間去台灣啦」
 
「知道呀…我仲諗緊點算」
 
「咩事呀?」
 
「我怕自己一個人係宿舍…」
 
「Miss Lam呀，不過叫Ethan黎陪Natalie咪得囉」Evelyn講笑咁講，但係Miss Lam就一定會當真
 
「咁唔得喎，點可以呢」Miss Lam好快反對
 
「Miss Lam呀…我唔會俾Ethan入黎，妳放心」我好怕佢會炸左間學校




 
「咁啦Natalie，聖誕節假期妳黎我到住啦」
 
「下!?去妳屋企?」
 
「有問題?」
 
「但係….咁樣呀….」
 
「定係妳想去32樓?」
 
俾我揀，我當然係揀Miss Lam屋企好過大白鯊屋企啦
 
「但係…Ethan瞓邊呀?」
 




「佢咪瞓廳囉」
 
Miss Lam拎起我織緊果條頸巾睇
 
「Natalie妳織俾Ethan架?」
 
「係…係呀」係Miss Lam面前都係低調d比較好，因為Miss Lam家政係好犀利
 
佢拎起黎睇，慢慢摸下同研究「織得唔錯丫」
 
「真…真係?」
 
「當然啦，不過Natalie」
 
「係!!」
 
「差唔多收針啦，Ethan唔係長頸鹿，佢唔洗要咁長架」
 
我睇一睇條頸巾，又真係幾長嘅，係我身邊嘅Evelyn，就笑到流眼水