我是一個學界的灰姑娘: 95. 世上最善良嘅醫生

然後台下嘅Miss Lam拎起枝咪「5年前我爸爸診所診金一次100蚊，包括藥水一枝同5包藥丸，一日藥，80蚊，最低消費3日藥，另外打針80蚊。果日美姐打左枝針，加兩星期藥，總數1300蚊。但係我爸爸係冇一蚊都收冇過美姐」
大家聽到Miss Lam講林醫生唔收媽咪錢果時，個個都呆哂
 
「Natalie妳講大家知，我爸爸要求妳做咩」
 
「係…當時，林醫生要我好好讀書同照顧好媽媽。我返到屋企，煲完粥俾媽媽食後，同準備拎藥俾佢果時，我仲發現藥袋有五千蚊，係林醫生幫助我同媽咪渡過難關」
 
大家都好驚訝，冇人相信一個醫生竟然會對素未謀面嘅病人咁好
 
「呀…Miss Lam，請問妳果時知唔知呢?」




 
「果時嘛…我聽我姑奶…即係…小敏個姑媽，我爸爸個助護講，家琪為左佢自己媽媽，甘心用自己前途做賭注，去便利店偷野。要知道偷野係刑事罪，留左案底就一世，但係呢個小妹妹為左媽媽而咁做，就證明佢好有孝心，所以我爸爸就唔收佢地錢，仲幫佢地兩母女渡過困難。然後佢仲寫左封信俾家琪小學校長，信中寫雖然家琪有錯，但出自一片孝心，希望學校可以幫下佢地，另外再加一封推薦信俾佢將來嘅中學校長」
 
「點解林醫生會咁做呢?」
 
「因為係我爸爸一句格言，Natalie妳講俾大家聽丫」
 
「“A simple act of caring creates an endless ripple that comes back to you。小小善行激起無限漣漪，那會回到你身上”」
 
「之後我人生就好似俾林醫生改變左咁樣，我相信，行善最終會有回報」




 
「咁所以妳回報就係Ethan啦，第二次見佢呢?係邊到」
 
結果兜兜轉轉又係返到Ethan身上…
 
「呀…第二次嘛…係我註冊果日，小敏姐俾Miss Lam罰抄校規，但係佢捉左Ethan幫佢抄。第三次就係去Miss Lam屋企見面」
 
「之後見第三次就見家長?」
 
「唔係…果晚媽咪同偉叔去睇演唱會，我見冇人煮飯咪想落山食飯算數，點知Miss Lam就叫我去佢屋企食飯」




 
「然後就遇上Ethan啦?」
 
「係…果晚佢洗完碗送我返宿舍」
 
「之後妳就鍾意左人啦?」
 
「呀…係…」今次塊面真係紅到乜咁
 
「果然行善真係最好喎」
 
呢個你問我答環節，我發誓我以後都唔會上黎呀!!!!