我是一個學界的灰姑娘: 94. 回想相遇的第一天

「果日嘛…我同媽媽搭電車行街，去到堅尼地城果時媽媽好唔舒服，佢坐低係公園。然後我去買藥，但係我又唔夠錢…之後…各位同學真係唔好學我，我去左便利店到偷藥」
 
「下!!!Natalie妳偷藥?」
 
「係呀，咁自己媽媽比自己更重要，但係我見唔到便利店有警察，佢地見我偷野後就追住我，我盲中中咁入左Miss Lam爸爸間診所」
 
「然後呢?」
 
「之後林醫生幫我找左便利店條數，果時我先記得媽媽仲係公園，我就同林醫生一齊去睇媽媽。果時，已經有三姊弟扶緊我媽媽去診所」
 




「就係Ethan佢地?」
 
「係呀，果日就係我第一次見到佢地三姊弟」
 
「咁果日Jasmine姐係咪好照顧妳地呀?」
 
「果日嘛…佢見我未食野，就係診所搵野俾我食，而且佢仲叫我黎英華到讀」
 
「咁Ethan呢?」
 




「果陣時…我不停係到喊，係佢安慰我嘅…跟住媽咪打完針好返好多，小敏姐就送我地搭地鐵，而果日我都係第一次見到Miss Lam同Miss Cheung」我塊面又再一次紅起上黎
 
「佢地果日手袋咩牌子呀?」MC好緊張咁問
 
「Celine囉，佢地兩個仲會用其他牌子咩?」我笑住咁講
 
「有冇問過點解?」
 
「呀…校長話….係Miss Lam先生每次飛歐洲都買幾個Celine手袋俾佢地，所以咪咁多囉」
 




「咁校長用咩牌子手袋架?」
 
「佢用Hermès架」唔知情嘅同學係到大叫，佢地估唔到校長係用咁高級嘅手袋
 
「其實校長個手袋呢…用左好多年，係佢先生結婚十周年送俾佢嘅禮物。而校長用一個手袋都教左我地做人道理」
 
「係咩呢?」
 
「校長話過，佢地果個年代，d野壞左，佢地會去維修，所以當年離婚率咁低。校長教我地要珍惜身邊嘅野，重視每一個人」
 
「咁我又想問啦，妳嘅人生係邊個改變妳呢?係校長丫?定係Miss Lam呢?」
 
我諗一諗「其實係Miss Lam個爸爸 ，林醫生」
 
「點解會咁得意嘅呢?」




 
「其實當日媽咪睇完病之後，林醫生係開左兩星期藥俾我地。果時大約…. ….睇睇先…診金...呀……」我不斷R頭
 
「洗唔洗打俾Ethan問下呀?」MC係到笑我
 
「唔洗呀」
 
「或者Jasmine姐妳知唔知呀?」MC又望落台下
 
然後小敏姐回覆返「妳都傻嘅，話明我公公，點會收我錢呀，係都收我媽咪錢者，妳想知咪落去睇下症囉」
 
果然係一貫小敏姐嘅答案