我是一個學界的灰姑娘: 89. 學界女排四連霸

我地球員發球去對方場區，好容易對方可以組織一個攻勢
 
對面4號位殺個波黎
 
我地後二睇準機會一擋，將個波擋俾二傳手
 
佢環顧四周，係大約微秒之間我同佢視線對上左
 
同時我都順勢起跳
 




個波一升到頂，同時我都跳到最盡
 
用小敏姐教我嘅殺球技巧，拗腰，將手完全伸直
 
瞄準兩個攔中之間，快手殺落去
 
“boo~”一聲，響遍全場，然後我地呢球係一個in
 
我呢一球，完全係小敏姐舊年一手將佢地打低果球一樣，睇黎對佢地士氣打擊好大
 




相反，我地士氣變得非常高
 
你一球呀我一球，你一球呀我一球
 
比數互有領先，係差唔多完結果時，校長叫左個暫停
 
大家一齊圍埋係校長身邊，真係有d汗味
 
「最後一分，大家要盡力打」
 




「知道!」
 
「女拔一陣一定係叩頭式發球，想直接得分」
 
我都知原因，叩頭式係又快又勁
 
「Natalie」
 
「係校長!」
 
「最後一分就睇下妳可唔可以得分，妳係4號位」
 
「知道!!」
 
真係冇俾校長估錯，對方用叩頭式發球




 
今次個波比之前更快更勁，務求黎一個觸手出界得分
 
再一次，我地嘅自由人極速退後，用佢精湛嘅防守技術化解左危機之餘，仲製造左個好靚嘅傳球俾二傳
 
再一次，佢將個波升高，而我都跳高
 
伸盡右手，今次我瞄準大斜角，將個身轉一轉，然後輕輕托高個波
 
對方估唔到我會咁打，因為我成場比賽，每次都係用殺波
 
用呢d柔波，都係由初賽至今第一次
 
但係個波仍然掂到對方攔網…..對方自由人飛身救到
 




二傳升起個波，對方再攻過黎
 
我地兩位攔網球員一攔，個波仍然係我方場區跌緊
 
看似就快輸呢一分要deuce 之際，我地個自由人再一次飛到
 
係喎，佢成日朝早係學校關閘之前到衝門…所以練得一身好武功
 
佢將個波救起
 
正常係要二傳一下先打比較好，但係我瞄到一個機會
 
對方後場冇人!!
 
所以我盡力跳起，對方攔網都預知我行動，同時跳起




 
我一聲大叫，一手殺波….
 
排球直飛後場
 
係一球IN
 
同時，球證鳴笛完場
 
我地英華女校排球隊四連霸!!!
 
大家立即衝出黎攬埋一舊，我地嘅高興同對手嘅流淚形成強烈對比
 
同時校長走去對方後備席同對方校長握手
 




兩隊隊員大家互相握手，我地再一次高舉冠軍
 
我地係更衣室沖完身後換好乾爽體育服後，就見到Ethan同Miss Lam係到等我
 
「家琪姐姐!!!!」慧思好快咁跑過黎跳上我到
 
「姐姐妳好叻呀!!!最尾果球真係好犀利呀!!!」
 
我笑住同佢講「呢d係小敏姐教我架啦」
 
「妳今晚黎唔黎食飯呀?」
 
慧思同大白鯊已經當左Miss Lam屋企係飯堂