我是一個學界的灰姑娘: 90. 腳底按摩

今場比賽我不停咁殺波，真係殺到隻手同膊頭好攰
 
我係Ethan屋企沖左涼就坐係佢間房到休息
 
「哎….哎呀…..」我隻手開始酸軟
 
所以Ethan就拎左枝按摩膏幫我摔下，佢按摩嘅功力真係唔錯，應該係俾小敏姐迫得多先咁有功力
 
當佢按到我膊頭某個穴位果時，我真係痛到叫出黎
 




「妳膊頭呢…有D酸」Ethan已經唔係用手幫我按，而係用手指大力摔落去
 
配合埋按摩膏，我痛到叫救命。不過之後係鬆左好多
 
「好啦家琪，坐好啦」我俾佢按完之後攤左係床上
 
「做咩無啦啦要我坐起身呀…我好攰」
 
「乖啦」我係心不甘情不願之下坐好，Ethan足住我其中一隻赤足，我見到佢咁嘅動作，我覺得有D不妙
 




果然!!!佢想幫我黎個腳底按摩!!!
 
我好快就收返隻腳，不過唔夠佢快。佢一手捉實我腳趾公
 
「做咩呀!!!我唔俾你腳底按摩架!!!!!」我要誓死反抗
 
「我幫妳整鬆隻腳咋」
 
浩揚真係幫我按摩隻腳，幫我放鬆腳校
 




然後，佢就摔落我腳趾公到，突然我覺得有痛意
 
之後就到腳板底….佢係用力撳落去
 
「啊!!!!!!!!!!!!!!!!!!!!!痛呀!!!痛呀!!痛呀!!!」我又瞓返落床
 
「放鬆D，唔好怕」浩揚非常冷靜講
 
「你…你捉我腳趾撳我腳板….我冇力啦喂!!!!痛呀!!!停…停未呀?!!呀!!!!」
 
「等陣啦」
 
15分鐘後，我兩隻腳板同十隻腳趾都俾Ethan撳過哂，我仲要出哂汗
 
「死變態佬……」




 
「下?!幫妳按摩鬆筋咋喎，咁妳都話我呀」
 
「我冇叫你幫我腳底按摩呀」
 
佢走黎點一點我個鼻「洗唔洗同妳黎個深層按摩?」
 
我當然知佢講咩野啦，所以我又打返佢個頭一下
 
「傻架你…總之今日有人，唔得!」
 
「咁錫啖得掛」
 
「啜!」我真係乖乖地咁錫左佢一下
 




然後Miss Lam就叫我地去食飯，今日又係有薑蔥炒蟹，仲有炒蜆
 
浩揚見到後就好奇怪
 
「媽咪妳做咩整蟹呀?」
 
「家琪今日打完波，俾佢補下隻手」
 
「咁唔係應該整豬手咩?」
 
「豬手咁肥，食蟹仲好啦，冇脂肪」
 
係果晚，我又食左一餐海鮮大餐
 
到左星期一，我地係學校有頒獎典禮。我地排球隊係校長手上接過學界女排冠軍獎杯




 
我地四連霸!!!!!