我是一個學界的灰姑娘: 88. 決勝局

「校長睇左女拔咁多年，同佢地打左咁多年，我好清楚佢地最後一局會點打」
 
校長當年都好似係排球隊架喎，所以佢而家就俾指示我地
 
「大家圍埋黎」
 
「係!」
 
「首先，頭5-6分，佢地會示弱，做長敗將軍」
 




「咁樣做會有意義?」我地係到問
 
「當然有，佢地會趁妳地想速戰速決果一刻，由第6分開始快速搶攻妳地，由叉燒到攔網都會盡力去搶分，特別係佢地會不斷練叩頭式發球」
 
「叩頭式…」
 
「而且佢地仲會不斷向4號位進攻，務求將主力球員打低」
 
「4號位…即係Natalie?」
 




「冇錯，而且今年4號位換左人，Natalie妳覺得同Jasmine比差d咩?」校長反問返我
 
我同小敏姐差d咩?應該係果一樣
 
「校長…我冇小敏姐果種殺死人嘅氣勢」
 
校長笑一笑「冇錯，因為小敏由細到大都係大家姐，係屋企係學校都係。但係Natalie妳係獨生女，妳冇左小敏果種家姐性格」
 
「但係校長…一時之間我都唔可以…」
 




「一時之間要妳學小敏係冇可能，但係Natalie妳殺波比小敏更厲害，如果妳出盡力咁跳同殺波，會大機會打窒對方氣勢」
 
「知道!」
 
「記住，妳要挑戰果兩個攔網，如果妳係佢地手上拎到分，佢地就好快會輸」
 
「知道校長!!!」校長今次真係臨陣指揮
 
「不過都係果一句，落到場，大家好好享受比賽，唔好將比數放係心中」
 
「知道!!!」
 
話就咁講者，邊到黎咁易丫…
 
一如校長所料，對方係第五局開始果時係非常弱，既然妳地弱，我地就要更弱，正好用呢個機會黎補充返體力




 
結果第三局頭五分，大家都係互有領先
 
終於對手按奈不住。 如校長所講，我地領先到4至5分時，佢地會大反擊
 
可惜我地已經換入防守手強勁嘅球員
 
所以餘下任務，就係由我去挑戰對方攔網球員
 
但係呢個難度真係好高好高，為免俾佢地攔到，我地改為由副攻勢手發動攻勢
 
結果仍然係俾對方成功攔網
 
而且分數上我地開始落後，但係後備席上嘅校長就冇任何指示
 




所以我地只有靠自己，係休息時候，我提出左建議
 
「好啦，我地放鬆D打波啦」我提議
 
「真係嘅Natalie?」
 
「小敏姐佢地已經三連霸，我地過去幾年已經贏盡掌聲，而家放鬆D野打波係咪會仲好?」
 
大家係到諗野之時，球證提示我地進場。
 
我地雙方再交換場區後，對方再次發球
 
果然又係叩頭式發球
 
不過今次大家好似輕鬆左好多，唔太在意對手開呢一球




 
所以個波直接飛左出場區
 
唔理勝負，輕鬆打波就算