我是一個學界的灰姑娘: 76. 怕睇牙醫嘅大白鯊

我四隻智慧齒好似股票牛市咁萌出，唔洗兩星期，我口內已經出血。上堂果時要搵冰袋敷住，仲要搵繃帶扎住，我咁嘅樣，同唔到Ethan溫書同去街，因為佢見到我一定會指住我黎笑。
 
唔止Ethan ，笑得最大聲嘅係我自己d同學
 
「哈哈哈哈!!!!!!Natalie妳好可愛呀!!!!成隻兔仔咁樣」
 
指住我黎笑嘅，係Evelyn
 
「我睇妳…到妳出牙果時會點…呀…好痛…」真係連講句野都痛
 




我呢班巨鯊幫同學全部都唔係人黎架!!而家係我面前食薯片飲汽水
 
呀!!!!好想食薯片呀!!!!!
 
生智慧齒真係好痛好痛，連帶我係宿舍都食唔到野，每晚都要食粥，又要敷住冰袋
 
今晚，我又係食粥
 
「呀……」當d粥流過隻牙，真係痛到飛起
 




「女呀…妳洗唔洗剥左d智慧齒呀?」
 
「四隻呀媽咪……一隻收500都成2000蚊，我聽日睇左牙醫先啦，可能唔洗剥呢」
 
有時D牙痛到，我瞓都瞓得唔好
 
第二日，Ethan上黎接我去睇牙醫，我一打開眼，佢已經坐左係我房入邊
 
「唔?你係到做咩呀?」我又係起身一舊飯咁問佢
 




「起身啦，同妳食早餐再去睇牙醫」
 
「哦…哦…」我又瞓返落床
 
順帶一提，我由上格床搬左落下格床到瞓
 
我繼續我嘅懶床，於是Ethan就R我腳板底，同埋篤我條腰
 
「喂呀!!!好痕呀!!!喂!!!」
 
「起身未呀?」
 
「起啦起啦!!!!」其實我仲好想瞓
 
突然，有個人跳左上我張床到




 
「家琪姐姐!!起身啦」原來係慧思上左黎
 
「唔?慧思?妳又係到嘅?」
 
「我都約左今日睇牙呀」
 
「妳牙又有事咩?」
 
佢擰擰頭「我一向都好健康，不過媽咪話學校包埋家屬Check牙，所以我咪去囉」
 
「妳唔係有公務員子女牙齒檢查咩?」
 
「係呀，冇所謂啦」
 




既然慧思係到，浩翹都一定係到，所以我都係起身去洗面換衫算數
 
係鏡中望下隻牙，已經出左1/3，冇之前咁痛
 
去到牙醫到打開口
 
「哦，余小姐，妳四隻牙生得好好，冇問題，夠位生唔洗剥」
 
「但係我之前好痛…而家好d」
 
「好少人四隻牙一齊出嘅，妳真係幾幸運」
 
我一d都唔覺得幸運囉好唔好
 
「再睇睇妳d牙，冇牙石。平時有用牙線?」




 
「有呀」
 
「刷得唔錯，要Keep住」
 
我檢查完之後，就發現大白鯊成個人好緊張咁坐係到
 
「Miss Cheung，妳做咩個樣咁驚呀?」
 
「冇…冇….」
 
「張詩敏小姐」有個牙齒衛生員出黎叫名
 
果時大白鯊個樣就更驚。原來佢怕洗牙
 




大白鯊一步步咁行入去，其時剛檢查完/洗完牙嘅慧思同Miss Lam都行出黎
 
「媽咪，妳慢慢享受下啦」
 
「妳….衰女」
 
大家坐係到等Miss Cheung出黎
 
「家琪，洗唔洗剥牙?」
 
「唔洗呀Miss Lam，醫生話我d牙出得好好，而家開始會少d流血，醫生俾左止痛消炎藥俾我」
 
不過Ethan入左好耐，仲未出得黎
 
「Miss Lam，點解Ethan入去咁耐嘅?」
 
「呵呵，佢應該有排洗牙啦。平時又唔用牙線，懶到呢……」
 
結果，佢慢慢行出黎，個樣仲有d攰咁
 
「好痛呀?」我係佢身邊潤佢
 
「洗牙點會唔痛」
 
「你平時聽話用牙線咪唔會咁痛囉」
 
「媽咪呀…用牙線咁麻煩」
 
「麻煩你都要用架」
 
過左15分鐘，我地見到大白鯊個樣好呆咁行出黎
 
佢應該係超怕洗牙果種人黎
 
「媽咪，爽嘛」
 
「痛架!!!」
 
「好啦，我地去食晏啦。兩個乖乖地啦」
 
「係」「知道」