我是一個學界的灰姑娘: 77. 小敏姐知道了

Miss Lam永遠好似一個大家姐咁樣，係屋企主持大局
 
今日我跟住佢地去旺角一間酒樓到飲茶，果到仲有傳統嘅點心車同埋自己揀野食嘅檔口
 
係爸爸未過身之前，我都係一年一家三口係飲幾次茶。到媽媽去英華做校工前，我連酒樓都冇咩點去，包括新年。
 
因為新年係一個執爛鐵同廢紙嘅好時機。所以我以前新年嘅節目，就係不停咁幫媽咪執廢紙之類
 
直到媽媽入左英華做校工、住宿舍之後，我先再有機會同埋偉叔去飲茶
 




今次好得意，唔係響門口到登記等位，而係…
 
「家琪!!!呢到呀!!!」Ethan係到揚手叫我地過去。呢間酒樓有兩層，4樓係免搭檯區，而3樓就係搭檯區
 
今日我地揀左3樓，因為去拎野食比較方便
 
一坐低，我同Ethan就帶住兩位小朋友去拎野食
 
「唔洗等小敏姐咩?」
 




「家姐就到架啦，佢今日去公公到打針」
 
「打針?」
 
「係呀，家姐病左一輪，尋晚媽咪要佢去公公到打針，等佢快D好」
 
「點解小敏姐唔睇醫生呀?」
 
「家姐怕食左藥溫唔到書，所以一直食成藥。媽咪見到就迫佢去公公到」
 




「Miss Lam有咩方法令小敏姐去睇醫生?」
 
「唔俾零用，我同家姐一星期800蚊」
 
「咁多!?」
 
「係呀，家姐計過，唔用錢都好，佢會蝕好多，所以佢乖乖地去打針」
 
我地拎左好多點心返埋檯到，果時小敏姐已經坐係到，佢仲摸住個屁股…。而且仲俾Miss Lam話緊
 
「叫左妳一早去公公到架啦，而家搞到咁啦」
 
「哦」係佢地三姊弟之中，小敏姐係最獨立果個，同時亦係令Miss Lam最擔心最頭痛果個
 
話說舊年我地排球隊有個女隊員同山腳間男校有d衝突，我聽返好似係感情問題，好在果位隊員冇蝕底俾人，不過佢每次練波都心不在焉，所以有一日小敏姐帶住成班同學落去踩場。仲好似星左個男仔幾把，過程中有唔少粗口。




 
之後對方上黎投訴，好在校長一力保護小敏姐，而且反問對方學校嘅政策同管教學生方針，點可以咁樣玩弄一個女仔
 
就算係咁，小敏姐都係要見家長。聽Ethan講返，程機長差d係學校打小敏姐，如果唔係校長同Miss Cheung佢地阻止，小敏姐咁大個女就第一次俾人開年。
 
「小敏姐，妳冇事嘛?」
 
「冇…打左針好左好多啦」
 
小敏姐果然打左針之後係好左好多，見佢食慾大增就知
 
其實點解佢可以食極都唔肥嘅?
 
「唔?點解?」佢咬住粒牛肉同我講
 




「係呀..見妳食咁多，又好似唔肥咁」
 
「家琪妳有少少肉先好睇架」
 
「咁我以前係有少少baby fat…」
 
「妳怕細佬唔鍾意呀?」
 
「嗯」
 
「好簡單者，妳每次練完校隊之前係操場跑20個圈出身汗先。練完波之後再跑20個圈先拉筋Cool down，返到宿舍唔好食飯住，首先沖個身，然後食多d菜少d飯就得，至於肉就可以保持平均」
 
「咁即係練一次波跑40個圈呀?」
 
「係呀，如果妳唔想跑呢…」




 
佢再靜靜同我講「同Ethan大戰多幾次囉」
 
下!?小敏姐知道左
 
「係…係咪….呀…」
 
「我估到啦，上次放教師發展日…妳上左我地屋企嘛」
 
「係…但係…」
 
「唔怕喎，妳有食到藥就好安全」
 
「係…知道…」
 




「大個女囉，呵」
 
「小敏姐妳咪笑我啦……」