我是一個學界的灰姑娘: 75. 我出智慧齒啦

唔知過左幾耐，我打開雙眼，發現Ethan已經起左身。再拎起電話睇，差唔多三點
 
「家琪妳瞓醒啦?」Ethan入房後問我
 
「其實未瞓夠…」係呀，我經常溫書溫到好夜
 
「我去左細佬房瞓，以免一陣有人返黎…」
 
「嗯，我明架啦」兩個人瞓係同一張床，係人都知咩事啦
 




Ethan過左細佬間房到，而我就繼續大覺瞓
 
佢房中有一條攬枕俾我攬實瞓
 
我趁呢個機會補補眠，因為我應承得校長每次都要拎第一，所以壓力都唔細。好在有Ethan陪住我溫書，我先冇咁易放棄
 
唔……我算唔算揀啱左人呢……我再一次進入夢鄉
 
但係…我最近發現……d牙肉有d痕….仲要係上下兩邊都係
 




「家琪姐姐，起身啦」
 
我打開眼，見到浩翹同慧思兩個係我面前
 
「嗯...而家幾點呀?」
 
「6點半啦，契媽就煮好飯啦」
 
「咁我去幫手啦」
 




我一起身，已經見到自己條裙已經乾左
 
行到出廳，Miss Cheung就係到不停咁係電腦打緊野，我靜靜地行去佢後邊睇….原來佢出緊卷!!!!
 
我唔小心啊左一聲後，佢擰轉面過黎
 
佢都啊左一聲，應該係「啊!!!!!!!!!!!!!!!!!!!!!」左一聲
 
「家琪…妳做咩呀?行路冇聲嘅?」
 
「Miss Cheung，我著住睡拖，行路點會有聲?」
 
「妳呀…當左呢到係自己屋企啦?」
 
其實佢自己咪一樣，一身街坊裝上黎，仲要係到敷Mask，我係佢唔為意果時影左幾張相




 
「Miss Cheung妳…出黎咩卷?」
 
「History呀，唔關妳事呀」
 
「借黎睇睇呢?」
 
「咩呀!!妳想影低再通知文科班呀?唔得!」
 
呢條鯊魚真係聰明…
 
「詩敏呀!開檯啦」Miss Lam係廚房嗌出黎
 
「知道!!!有J嘅人出黎!!!!開檯食飯」
 




Ethan又係心不甘情不願咁行出黎幫手開檯
 
「點解又係我呀?」
 
「因為你有J囉!!!」
 
「咁細佬呢?」
 
「佢陪我個女」
 
眼見Ethan咁樣，所以我都幫下佢手
 
再一次我又係Miss Lam屋企食飯
 
「家琪妳真係瞓得唔係好夠」Miss Lam係到講




 
「真係?」
 
「妳剛先瞓到好冧，妳平時係宿舍瞓得唔好咩?」
 
「其實…我應承左校長嘛…所以點都要做好佢…」
 
「妳要瞓多d，先夠精神上堂架」
 
「我知啦」
 
食飯果時，兩邊牙肉又黎啦……所以Miss Lam又留意到
 
「家琪妳蛀牙?」
 




「唔係呀….最近兩邊牙肉上下都好痕」
 
「妳飲啖湯沖淨俾我睇下」
 
我照Miss Lam所講咁做，佢望下我個口
 
「家琪妳出智慧齒啦」
 
智慧齒!?怪不得咁痕…仲有痛
 
「怪不得」
 
「仲要四隻一齊出」
 
「四隻!?」
 
「係呀，妳上下兩邊開始有白點，果隻係萌出嘅牙黎架」
 
「我仲以為生痱滋添…」
 
「學校張醫療咭有包牙醫架喎，妳應該去睇下」
 
「睇牙醫呀….唔…」
 
「做咩事呀?」
 
「我好怕睇牙齒…特別係洗牙d聲…我好驚…」
 
「咁妳都要俾牙齒檢查下嘅，學校包每年兩次洗牙Check牙…」