我是一個學界的灰姑娘: 57. 媽咪都批准啦

媽咪同偉叔返左宿舍後
 
「小敏，妳係咪偷偷地放細佬入黎學校?」
 
「係…我係正門帶佢入黎」
 
「妳話應該要點罰?」校長望住自己個孫女講
 
「婆婆妳決定，記過我都冇所謂」
 




「點解咁講」
 
「我…身為家姐，要盡家姐責任，好好照顧細佬、保護佢兩兄弟。剛先細佬有難，我一定要係佢身後幫佢，呢個係婆婆妳一直教我嘅事」
 
校長聽到小敏姐姐咁講，都係到點頭
 
「小敏，呢件事我就唔罰妳。Ethan!」
 
「係!婆婆!」
 




「你頭先應承我嘅事，我會同你校長講」
 
「係」
 
「Ethan你唔方便留係學校，你返屋企先啦」
 
「但係媽咪…」
 
「放心啦，冇怪物會食左家琪嘅」
 




我望佢
 
「返到去wts我啦」
 
不過Miss Lam再一次叫停Ethan
 
「Ethan!你頭先係學校搞咩黎?」
 
佢立即心虛咁答「冇….冇事呀….」
 
「冇事點解你個屁股會有個鞋印架!?」
 
「媽咪呀…呢層呢…」
 
「你係唔係又係課室入邊踢毯呀!?」




 
「係…係….」
 
「返去自己洗乾淨條褲佢!!」
 
「係…」
 
浩揚跟左小敏姐姐同孖女離開學校。佢地一走左之後，我班同學立即圍左我
 
「Natalie!!!!!恭喜妳呀!!!」「妳好sweet呀!!!!」「Miss Lam個仔好有型咁保護妳呀!!!!」
 
「以後我地唔洗怕大白鯊啦!!!!」
 
呢句唔知點解俾大白鯊聽到
 




「咩話!?!!」
 
「Miss Cheung…」
 
「我好得人驚咩?」
 
「唔係…」
 
「講明先呀，妳地全班唔好用Ethan黎做擋箭牌呀!」
 
「知道」
 
「家琪!」Miss Lam同校長同時出現
 
「校長…Miss Lam」




 
「家琪，妳今晚好好地陪媽咪知唔知?妳睇佢幾擔心妳，妳係佢嘅所有」
 
「知道啦校長」
 
「家琪，妳要做到公平d明唔明」
 
「係…」
 
「以後我d卷都唔會放係屋企，唔洗同小敏係到左搵右搵，佢搵左咁多年都係搵唔到我出嘅卷」
 
「知道啦Miss Lam」
 
「仲有，以後要麻煩妳照顧Ethan。如果佢激親妳嘅話，就同我或者校長同埋Miss Cheung講」
 




就係咁，我同Ethan拍拖嘅事，就差唔多全校都知道
 
最大問題係…未過聖誕，我仲有「你問我答」呢關要過
 
我返到宿舍，打開門，已經見到媽咪坐左係到
 
我低住頭咁行過去
 
「媽咪…」
 
「妳大個女，我唔可以再綁實妳」
 
「係..」
 
「妳應承過校長咩野?」
 
「我…應承校長…每次測驗考試都要拎第一…我先可以同Ethan繼續來往…而且仲要去林醫生到打HPV針」
 
「哎呀~妳賭到咁大做咩呀?對上一個可以每次拎第一果個係…」
 
「係Miss Lam個妹妹…已經超過10年以上」
 
「算啦，妳已經應承校長…妳打算幾時叫浩揚黎食飯?」
 
「媽咪妳肯同佢食飯?」
 
「佢係妳男朋友，有咩好怕?」其實媽咪個心入邊都好開心
 
於是我就問浩揚，佢幾時方便黎
 
但係佢俾我嘅答案係…..Miss Lam請我地一家三口去佢屋企
 
所以星期六，我地就一家三口去浩揚到
 
不過首先，我要面對一樣野