我是一個學界的灰姑娘: 58. 好可愛嘅大白鯊

係林醫生診所內，我拎高衫袖準備打針
 
Ethan就係林醫生背後睇戲
 
「家琪，聽雪凝講，妳同浩揚拍緊拖?」林醫生邊打針邊講
 
「係呀林醫生…」我係有少少怕痛，因為打疫苗係打上臂而唔係屁股
 
「咁妳要乖乖地，唔好唔讀書知唔知呀?」
 




「知道啦醫生」
 
「妳做咩呀?打完啦」
 
「打完?唔痛嘅?」
 
「我地今晚見啦，唔怪得雪凝要我去佢到食飯」
 
當我想離開果時，浩揚叫停左我要我留低
 




「妳準備好拍片未呀?」
 
我不明所以
 
「咩事呀?」
 
「妳睇睇下一個病人係邊個」
 
我睇一睇排版
 




“CHEUNG sze man, 張詩敏 (親屬,免費)”
 
「大白鯊?佢唔舒服咩?」
 
「唔係呀……姑姐今日係打乙肝加強劑呀」
 
「咁…有問題?」我R住頭問
 
「姑姐佢好怕打針架，每次都好大陣象」
 
然後我地聽到林醫生叫人
 
「阿怡!叫詩敏入黎啦」
 
「慧思!!!同我捉住媽咪!!!小敏唔好俾姑姐走!!!」




 
我好快拎出電話，由外邊開始影
 
我第一次見大白鯊跪地求饒個樣
 
「唔好啦，我唔想打針呀!!!」
 
助護、慧思、小敏姐姐三個人押住大白鯊入房
 
真係要三個人捉實佢
 
然後就聽到佢嘅大叫
 
「唔制呀!!!!!!!!!!!!!!!!!!!!!!!!!!!!!!!!!!!!!」
 




呢個畫面真係好有趣
 
平時窮凶極惡嘅大白鯊Miss Cheung，原來係咁怕打針
 
我地幾個一齊離開診所，小敏姐姐係我身邊問
 
「有冇拍片呀?」
 
「有呀」
 
「星期一拎返學校播會點呢?」
 
「笑死全班」
 
我地一齊行去浩揚屋企，慧思就痴到我實一實




 
同時Miss Cheung口中依然念念有詞
 
「死人李健熙，正人渣」
 
我地一行人返到浩揚屋企時，慧思立即跑去浩翹間房
 
而我就換上我係浩揚屋企嘅專用拖鞋
 
我走去廚房想幫Miss Lam手
 
「Miss Lam…有冇野我可以幫手架?」
 
「家琪?妳唔好入黎啦，妳出去陪下慧思啦」
 




「佢…入左細佬間房啦」
 
「咁都正常嘅，一係叫Ethan拎份Paper俾妳做啦」
 
估唔到……去到Miss Lam屋企同係學校都冇分別
 
於是我同浩揚就拎左份卷，係佢房到做
 
我地兩個一做卷就做左好耐
 
「Miss Lam…份卷做好啦」
 
「家琪妳咁快做好份卷呀…唔….妳返浩揚間房幫佢執下房啦，亂到七彩」
 
於是Ethan係我監督之下，開始執房
 
唔執還好，佢一執房果時有好多唔見得光嘅野出哂黎
 
我拎起一本漫畫，封面係一個日本女學生
 
而封面上係有三級警告字句