我是一個學界的灰姑娘: 56. 係全校面前應承校長

媽咪差D打左落Ethan到
 
Miss Lam見到咁嘅場面
 
「浩揚?你點入黎架?」
 
係喎，佢點入黎架?
 
「媽咪，我帶佢入黎架」小敏姐姐係Miss Lam身後講
 




Ethan企係我同媽咪之間，我係佢身邊縮埋
 
浩揚用成個身護住我
 
「美姐，妳認唔認得我?」
 
「你…你係…」
 
好明顯係唔認得啦
 




「4年前，係我扶妳去公公診所。我係程浩揚，林雪凝老師個仔，林紹雄醫生嘅外孫」
 
然後佢拖實我，拉我去佢身邊企係到望住我
 
「亦係家琪嘅男朋友」
 
佢咁樣講，我班同學個個嚇到出唔到聲，亦都有人好興奮
 
「你…你…唉…」
 




「美姐我想妳相信我，我同家琪係認真拍拖，我唔係想呃佢D咩」
 
媽咪企係我地面前，係到諗野
 
呢個時候，校長係到幫我
 
「美姐，我地知道妳緊張家琪，我地生女嘅，一定係緊張個女。我當年都係諗左好耐先俾個女拍拖。雪凝都有個女，小敏拍拖時佢都好擔心，而家佢個仔同自己學生拍拖，佢都唔知點。但我可以保證，我個孫仔會乖乖地，唔會對家琪做D咩」
 
「但係校長…我個女點配得起妳同林醫生個孫仔呀」
 
「有咩配唔配，我個女讀書果陣都係惡霸啦，唔通佢又冇人要咩?」
 
校長咁講，有好多同學係到偷笑
 
「我係擔心兩個細路唔讀書呀」




 
校長笑一笑
 
「美姐，妳身後果對孖女，雪凝嘅外甥女，佢地媽咪都係中二就同佢地daddy拍拖，而家咪又係一個物理治療師，一個高級藥劑師，妳唔洗咁擔心，我地會好好睇住佢地」
 
「唉…校長…」
 
「美姐，我叫個孫仔係呢到應承妳」
 
「浩揚!!同家琪過黎!!!」
 
我地兩個拖實過去，我雙手捉實浩揚
 
「媽咪…校長…」
 




「Ethan，我要你而家係婆婆、媽咪、姑姐，仲有係你家姐同埋咁多老師同學面前應承美姐，你會好好對家琪，要照顧埋美姐。成績唔可以退步，唔可以同家琪有咩意外出黎。仲有!要一心一意對家琪!!唔可以俾麻煩媽咪同姑姐!!做唔做到?」
 
我同Ethan對望住
 
佢好快俾答案校長
 
「婆婆，我應承妳，所有事我都會做到」
 
呢個時候，偉叔行出黎
 
「細路，唔好咁大口氣。你賭到好大喎」
 
「就用我爸爸做賭注，佢可以引發奇蹟，我係佢個仔，我都一樣做到」
 
程機長係飛機上打左個乞嚏




 
偉叔聽到之後對媽咪講
 
「家琪大個女啦，妳唔可以一世綁住佢。如果係Miss Lam個仔、校長同林醫生個孫仔嘅話，我認為冇問題」
 
「真係?」
 
「幾時有呃過妳?」
 
喂…咪咁肉麻啦，現場傳出陣陣寒意
 
「好啦……家琪」
 
「係…媽咪…」
 




「妳應承得校長嘅事要做到」
 
「知道」
 
「浩揚，我個女就暫時交俾你，暫時咋!!」
 
「知道美姐」
 
媽咪轉身對住校長
 
「校長，麻煩哂妳地啦」
 
「大家都係做人媽咪，我地明嘅」
 
「咁我返去做野先啦」
 
「妳同偉叔休息下啦，今日又唔太忙」