我是一個學界的灰姑娘: 40. 人人有功練

「咦?妳好似知道d野喎」我講大話個樣真係好易睇得出
 
「冇…冇呀…」我都係快少少搵地方避一避先
 
「咪俾Natalie走呀!!」
 
就係咁我俾班上幾個同學追住
 
然後…我跑左入3D班
 




係柏玲同柏瑩果班
 
「唔?家琪姐妳做咩走入黎呀?」x2
 
「俾人追殺呀….熱死」
 
「搞咩事俾人追殺呀?有我地係到保護妳」X2
 
果一刻我以為自己安全，所以戒心降低左
 




「佢地係咁問Ethan而家有冇女朋友」
 
「咁家琪姐妳點答呀?」X2
 
「唔通同佢地講Ethan同女朋友分左手咩，成班都好似餓鬼咁樣，一陣溶左Ethan都似呀」
 
「下!!!二表哥同培道妹分左手呀!?」X2
 
弊!!!我唔記得左Miss Lam講過呢對孖女係鍾意Ethan添
 




我見到佢地兩個雙眼發光
 
所以立即逃走去6D好唔好呢?不過咁高，我點可以避開咁多人嘅追殺呢?
 
不過都係走左先算
 
「Natalie係果到呀!!!」
 
「家琪姐!!!唔好走呀!!!!」x2
 
我不停逃走，終於搵到一個地方可以保護我
 
[教員室]
 
我一入到去就已經見到大白鯊同Miss Lam係到食薯片




 
「嗯?Natalie妳搵我?」
 
「唔係呀Miss Cheung….我…俾人追殺」
 
「做咩事呀?」
 
「佢地成班問Ethan同佢女朋友嘅事….」
 
「浩揚?佢咩事呀?」
 
「佢同培道妹分左手，而家成班都想識佢…仲有柏玲柏瑩都好興奮」
 
「下!?浩揚同Fiona冇左啦!?」估唔到連Miss Lam都唔知道
 




「呀…係呀….因為有第三者…」
 
「浩揚又會同妳講嘅?」
 
「唔…我都唔知道…」
 
然後Miss Lam電話響起，係Ethan要佢落去開門
 
我就係大白鯊保護下，返到課室
 
係我繼續整野果時，我條馬尾又俾人掹左一下
 
「倀雞琪」
 
「咩野呀!!!成日咁叫我!!」




 
「拿!!箱呀」
 
我望住個箱，呆左，個口打開哂咁滯
 
個黃色箱上邊有個練緊功夫嘅火柴人公仔，個箱就寫住[人人有功練]
 
「呢個咩箱黎架!?」
 
「呢個?好野黎架!好似話係爸爸細個果時有套好好睇嘅戲入邊嘅道具」
 
「個箱…係你爸爸嘅?」
 
「其實…係姑丈送俾我」
 




「你姑丈?」
 
浩揚左望右望
 
「即係大白鯊老公」
 
「佢做咩送野俾你?」
 
「當年佢呃我話儲滿錢就買遊戲機俾我，但係我儲極都儲唔到」
 
「點解嘅?」
 
「姑姐見到呢個箱就知姑丈想昆我夾錢買遊戲機」
 
「乜大白鯊真係咁惡架?」
 
「當然啦」
 
我同Ethan一齊係到研究個箱
 
「唔知聽日個開放點呢…」
 
「放鬆D啦，有咩好怕」
 
「咁我地係籌款嘛…」
 
「妳地為邊個機構籌?」
 
「唔知呀，大白鯊話搞籌款，就叫我呢個prefect加班長搞囉」
 
「真係辛苦妳啦喎」
 
「咁你聽日黎唔黎?」
 
「頭先咪應承左妳黎囉」
 
「你唔好呃我呀，我最憎人呃我」
 
「得啦」佢又再掹一掹我條辮
 
終於Set好哂個場，所以我就返宿舍快手沖涼
 
因為今日真係幾攰