我是一個學界的灰姑娘: 39. 被帽了的男孩子

「Natalie!!!幫我湊住個細路，唔好再俾佢上我果班望女仔!!!佢唔幫妳手就對佢拳打腳踢就得!!!」
 
「我…知道啦小敏姐」
 
我雙手撓實望住佢
 
佢舉起雙手投降咁樣
 
「黎啦!妳要劫色就黎啦!!!!」
 




「你…你邊有色我劫呀!!!你快d幫我地手整野呀!!!」
 
「唉….得啦得啦….呢一班冇個靚，都係家姐果班好d」
 
「咩呀!!!咁你咪返培道搵Fiona囉!!」
 
浩揚口裡說不，身體卻很誠實
 
佢好落力咁幫我地班手
 




睇唔出，佢識整好多野
 
而且佢又好細心
 
不過…佢仍然好鍾意掹我條辮
 
「倀雞妹!」佢又掹我條辮
 
「咩事呀?!變態佬」
 




「妳媽咪真係搵我公公做證婚人呀?」
 
「咁…林醫生對我地有恩…」
 
「咁妳果日著靚d喎」
 
「你理得我啦，快d幫手啦!!!」
 
我行出課室果時，有幾個同學走出黎
 
「Natalie，佢係Miss Lam個仔呀?」
 
「係呀，小敏姐姐其中一個細佬」
 
「佢又真係幾似Miss Lam嘅」




 
大家望一望佢，我估到佢地想問咩啦
 
「Ethan有女朋友架啦，個女仔讀培道」
 
「下….名草有主啦?」 「車…」
 
「妳地快d幫手啦，差唔多整完啦」
 
我落去小食部買左枝茶俾佢，再返上課室
 
其時已經整到7788
 
「喂!茶呀!」我遞枝茶俾佢
 




「唔該哂妳」
 
我坐係佢身邊
 
「做咩咁得閒黎幫我地手呀?唔洗拍拖咩?」
 
「唔….其實….」
 
見佢支吾以對，可能佢地之間有d問題出現左
 
「有問題?」
 
「其實…我同Fiona分開左」浩揚講果時有d尷尬
 
「搞咩呀?你對佢唔好?」




 
「唔係呀…而係….」
 
佢左搵右搵，搵到張綠色嘅紙放係自己頭上
 
即係話有第三者出現
 
「我明啦，你放低先啦」係女校咁高調咁宣佈自己帽左，真係唔太好
 
佢飲左啖茶
 
「咁係佢唔識貨者，你大把市場」我嘗試安慰佢
 
「係咩?嘿」
 




佢跳落地下再睇下我地班設計嘅野
 
「妳地整得唔錯丫，聽日一杯野飲幾錢?」
 
「5蚊杯，連蛋糕10蚊。你聽日賞面?」
 
佢望一望我，對住我微笑
 
「好呀」
 
「但係妳地搵咩黎裝錢呀?」
 
俾佢提一提，我而家先醒起，完全遺忘左收錢呢件事
 
「我屋企有個好啱收錢嘅箱，我借俾妳丫」
 
「但係…要你而家返屋企拎?」
 
「唔通叫細佬拎黎咩，媽咪鬧死我都似」
 
Ethan佢好快就離開左學校，返屋企幫我地拎野
 
「Miss Lam個仔真係好好人呀…」「可惜丫…名草有主」
「Natalie呀，佢真係有女朋友呀?」
 
「呀…其實呢…」關於佢嘅私事，我唔應該講俾同學知
 
「妳…妳地自己問佢啦…」