我是一個學界的灰姑娘: 41. 再一次紮起孖辮

好奇怪，今日我自己彈左起身
 
我換好校服後，準備扎返條馬尾就返課室
 
突然間…自己想扎孖辮
 
所以我就拎把梳出黎梳直D頭髮
 
再扎返對麻花辮出黎
 




都有成三年冇扎呢種辮
 
原因係我懶左，住左係宿舍後遲左起身，所以冇時間扎麻花辮
 
正式開始開放日
 
有好多人黎參觀，而我地課室都好多人入黎
 
而且個籌款箱更受人歡迎
 




有好多人爭住同佢影相
 
「咦Natalie，妳今日做咩扎孖辮呀?」Evelyn同我坐埋一邊休息果陣問我
 
「唔知呀，突然想扎咁囉」
 
「估唔到Ethan借俾我地個箱咁受歡迎喎」
 
「都係嘅」
 




我嘅視線仍然望住門口
 
「妳約左人黎?」Evelyn好八掛咁問
 
「唔係…唔係呀」
 
陸陸續續有老師黎睇下我地班，順便幫襯下
 
然後…我聽到一把熟悉嘅聲音
 
「Natalie姐姐!!!」
 
Charlotte好開心咁走過黎，連同Clodulf兩個人一齊入黎我地課室
 
「喂，妳地兩個知唔知呢到係咩地方呢?」我有其他同學一齊包圍兩位小朋友




 
「我點會唔知呀，咁多位姐姐，妳地夠膽係英華圍我地兩個呀?」
 
「丫….小妹妹咁牙尖咀利嘅!?入黎我地班就要幫襯!!黎!!呢到係我地巨鯊幫嘅地頭!!留下買路錢!!」
 
巨…巨鯊幫?我地班幾時有個咁嘅名架!?
 
正當浩翹想拎錢出黎果時，慧思阻止左佢
 
「喂呀!!乜你咁聽女仔話架咩!?洗怕佢地咩」
 
「咁…飲野食野都要俾錢架嘛…」
 
「家琪姐姐係到喎」
 




「我係到妳地都要俾錢架」
 
「妹妹!!快D俾錢呀，一陣我地D大姐姐…嘿嘿，對妳男朋友仔…嘿嘿」
 
大家係到整估慧思果時，完全感覺唔到光明左右使同校長入左黎
 
「妳地係到圍咩圍得咁開心呀?」
 
大家聽到大白鯊嘅聲音都打左個冷震
 
「媽咪!!婆婆!!!」
 
慧思走去Miss Cheung到而浩翹就走去Miss Lam到
 
「大鑊….玩大左」呢個係大家嘅心聲




 
「慧思，妳係到蝦媽咪班d姐姐呀?」
 
「唔係呀婆婆，我咁乖，點會去蝦人呢?」
 
我地成班一齊碌大隻眼望過去，估唔到小鯊魚嘅屈功都不下於大白鯊
 
果然係兩母女
 
同時佢發現浩翹想爆佢大鑊，所以慧思先下手為強
 
一腳踩實浩翹隻腳
 
「妳地乖乖地知唔知呀?」
 




「知道婆婆」
 
校長離開左之後
 
「喂，妳又蝦班姐姐呀?」
 
「我唔係妳呀媽咪」
 
「Natalie」
 
「係!!」
 
「我個女有冇俾麻煩妳地呀?」
 
「冇!!!」「點會呢!!」「佢咁可愛又靚女」「生得咁似Miss Cheung妳」
 
「慧思咁妳想係到玩定點呀?」
 
「係到玩一陣，然後上家姐到」
 
「咁妳俾左錢未呀?」
 
「未呀!妳俾囉」
 
當Miss Cheung行過黎個箱果時，佢同Miss Lam都望實個箱