我是一個學界的灰姑娘: 38. 我叫倀雞琪?

大約到左11點，佢終於返到黎啦，我等佢沖完涼準備瞓之際，媽媽叫一叫我
 
「家琪呀」
 
「咩事呀媽媽?」
 
「剛先妳去左邊到食飯呀?」
 
「去左Miss Lam屋企食」
 




「哦…」
 
睇黎媽媽真係有野想講，換轉係平時，佢一定會問我點解要煩住Miss Lam之類
 
「點呀?有咩事?」
 
「如果…如果媽媽再嫁…妳有個繼父嘅話，妳有冇問題?」
 
我反問返媽媽
 




「係唔係偉叔?」
 
「嗯」
 
「如果係偉叔，我冇問題，呢幾年佢都好照顧我地」
 
「妳真係冇問題?」
 
「唔通要媽咪妳下半生一個人咩?我始終會嫁人」
 




「咁...我星期一同校長講」
 
星期一嘅校長室，除左校長之外，仲有光明左右使同埋我地四大護法係到
 
而媽媽同偉叔就坐係校長對面
 
「呀…校長…我同阿美打算結婚...但係我地又冇屋企人…所以…」
 
「你想我做你地證婚人?」
 
「係呀…」
 
「家琪，妳對媽咪再婚有冇意見?」
 
「校長，媽咪做咩我都會係佢身邊支持佢，佢係我唯一親人」




 
「咁…校長之外…仲有邊個做證婚人呀?」
 
「唔….」
 
我地完全冇諗過呢個問題
 
我望一望小敏姐姐同Miss Lam，就諗起一個人
 
「Miss Lam…可唔可以搵林醫生做媽咪證婚人?」
 
我咁樣講，大家都下左一聲
 
「做咩搵公公呀?」x3
 




「唔…林醫生係我地屋企恩人…呢件咁重要嘅事，應該搵佢做證婚就最好」
 
「雪凝妳問下爸爸」
 
「唔洗問，爸爸一定肯」
 
於是，媽媽就同偉叔去排期
 
學校即將舉行開放日，我地班係到努力準備
 
我地今年係搞一個小café，每杯野飲盛惠5蚊，所得收益會夾錢買野俾有需要嘅人
 
不過由於要抬野關係，我地比較辛苦
 
「呀!!!妳地d阿哥細路做咩唔黎幫手架?」有同學係到講




 
「冇計啦，大家都粗粗魯魯，一定平時係屋企蝦得佢地多」
 
此時，Miss Lam經過我地班
 
「妳地仲未走嘅?」
 
「Miss Lam?我地冇男仔幫手，仲有d野未搞掂呀…」
 
「咁都唔可以搞到咁晏，快d返屋企休息，下星期先係開放日」
 
「知道…」
 
我真係好擔心我地個Café唔可以如常開幕
 




係開放日前一日，學校批准我地下半日做好準備，於是大家都好努力咁趕工
 
我又唔可以叫偉叔黎幫手，佢自己都有野搞
 
突然…
 
「妳地係咪想搵男仔幫手呀?」
 
「係呀Miss Lam」
 
然後Miss Lam一手捉左浩揚入黎
 
「咦?」「咦?」
 
大家都未見過浩揚，不過我第一眼見到佢果時，個心好亂但又覺得好開心
 
「色狼?」
 
「媽咪呀……都話唔想幫倀雞琪囉」
 
倀…倀雞琪?
 
「Ethan!!我而家俾兩個選擇你，一係留低幫姑姐呢班，一係上去幫家姐手，再唔係就幫柏玲柏瑩」
 
浩揚望住我
 
「妳唔係以為我會幫妳呀倀雞琪，我去家姐到」
 
「賤格!!!」我鬧返佢，我承認我有d失望
 
不過10分鐘後，浩揚俾小敏姐姐捉左落黎