我是一個學界的灰姑娘: 37. 傻傻發笑嘅我

「點解妳唔扎孖辮嘅?」
 
「做咩要我扎孖辮呀?!」
 
「襯妳多D」
 
「定係你有特別癖好呀?」我用一個好奸嘅眼神望佢
 
「咩…咩呀」
 




「你女朋友…讀培道係唔係呀?」
 
「係又點?」
 
「人地件長衫個叉開得特別高架喎」
 
「咁…咁又點」
 
「仲要係白色咁透嘅長衫，實引死你班男仔」
 




「喂…妳個變態婆…平時扮乖呃我媽咪?仲有…妳點知道Fiona係讀培道?」
 
「Miss Lam講嘅」
 
「妳羨慕佢有我呢個咁好嘅男朋友呢?」
 
點解會有D咁自大嘅男仔架?
 
「咩呀…我之前夠有男朋友囉」
 




「妳都識講之前啦，俾人飛嘅感覺係點呀?」
 
「咩…咩呀!我飛佢架!!」
 
「點解?」
 
「咁八掛做咩喎」
 
「問下者」
 
我一五一十講哂俾浩揚知道
 
佢聽完後摸下我個頭
 
「你搞亂我個頭啦!」




 
然後佢又篤我條腰，果到係我弱點
 
「喂!!我話俾你媽咪知架!!!」
 
「我先唔驚佢，我連姑姐都唔驚，都唔知點解妳地成校咁怕佢」
 
「咁…你又唔係我地學校學生」
 
我地落車後再一齊行返去
 
然後，佢拎起我個書包
 
「喂，你搞咩呀?」
 




「咁無理由要妳一條賣剩蔗自己拎書包架嘛」
 
佢口講到我冇人要咁樣，本來我應該反駁佢
 
但係果時…我個心又甜一甜咁樣
 
係路上，我地開始傾計
 
我地兩個沿途乜都傾，同佢傾計，我覺得好開心
 
佢同我好似認識左好耐咁
 
果時先知，Ethan同我讀嘅科係完全一樣
 
「做咩妳又揀理科嘅?」




 
「你夠係囉」
 
「原因呢?」
 
「關於我自己夢想囉」
 
「真係?妳夢想做咩」
 
「你估下」
 
「唔…我估到」
 
「你又係?」
 




「一齊開估?」
 
「1…2…3」
 
「醫生!」我地異口同聲，同時間一齊講出黎
 
我地望住對方係到笑
 
「估唔到你咁有大志喎」
 
「咁….跟得公公多嘛」
 
我地笑住咁行返英華
 
「丫，唔知我地可唔可以一齊溫書呢?」
 
「如果你想…可以架，交流下都好丫」
 
「咁妳想唔想要我學校notes?」
 
「你有可以俾我架，但我冇野同你交換喎」
 
「俾妳電話我囉」
 
「你…你要黎做咩呀?」
 
「叫妳起身屙夜尿」
 
「你試下!?」
 
不知不覺，我地已經行到英華
 
「我到啦，有機會再見啦」
 
浩揚目送我返學校。我入左校門之後，發現自己係到傻笑得好開心
 
返到宿舍沖完涼，先發現媽媽仲未返到，所以我唯有拎出功課出黎溫習
 
不過唔知點解，我仲係到諗緊Ethan
 
同佢一齊果時好舒服