我是一個學界的灰姑娘: 36. 我係賣剩蔗?

「浩揚你唔出黎同Natalie一齊溫書呀?」
 
佢伸個頭出黎望住我地
 
「妳地溫啦，我返入房就得」
 
我目送佢返入自己房，個心不停俾針拮
 
「我細佬係咁架啦，唔好意思」
 




當Miss Cheung上到黎，就剛好開飯
 
因為我上左黎食飯關係，Miss Lam就煮多少少
 
然後…我見識到鯊魚爭野食情況
 
「我夾到先架!!」「我夾到先架!!」
 
「㗅…」「㗅…」
 




「媽咪妳唔識讓我架咩?」
 
「應該係妳讓媽咪」
 
「㗅…」「㗅…」
 
Miss Cheung竟然會同個女爭野食…
 
「詩敏妳唔好同個女爭啦」
 




Miss Cheung望一望佢個女後
 
「哼!算數!」
 
佢放棄佢同慧思爭緊果隻乳鴿
 
「唔洗怕喎家琪，我地全部都習慣哂」
 
的確，大家都唔當一回事，繼續食飯
 
Miss Lam仲切埋生果俾我地食
 
正當我想去洗碗之時，我俾佢叫停左
 
「浩揚你去洗碗」




 
「唔?又係我?家姐好耐冇洗過啦」
 
小敏姐姐用凶狠眼光望過去
 
「Ethan哥…你要我洗!?」
 
「唔係…」
 
我繼續係廳陪慧思係到玩
 
「姐姐，不如妳黎多d陪我玩丫」
 
「唔?妳要溫哂書先得架喎」
 




「知道!」
 
大約8點，係時間離開
 
「Natalie，妳等一陣先」
 
「係…」
 
「仔呀!!洗完碗未呀?」
 
「洗完啦!!」浩揚係廚房叫出黎
 
「咁你換衫，幫我送Natalie返屋企啦」
 
佢心不甘情不願咁行出黎




 
「佢屋企好遠咩?」
 
「佢住係英華入邊，你送佢返屋企啦，俾d風度」
 
浩揚就係心不甘情不願之下，送我返屋企
 
係lift入邊，個氣氛有D尷尬
 
「呀…Ethan呀…如果…」
 
「唔?有事?」
 
「如果你唔得閒，可以唔洗送我架」我個心跳得好快
 




「我應承得媽咪，就一定會送妳」
 
「但係我又麻煩你…」
 
「又?點解咁講」
 
我地出lift後再繼續行
 
「我小學6年級果時…你扶過我媽咪去林醫生到…仲有…你…保護過我」
 
「小學?哦!妳就係果個喊包」
 
「咩…咩喊包呀!!」我一腳踩落去佢隻腳到
 
「痛!!!妳真係跟我家姐搵食嘅人…連脾氣都係咁臭…小心冇人要妳」
 
「我有冇人要關你咩事喎!」我面紅紅咁抗議
 
嘩!!呢個咩男仔黎架!!完全冇d風度嘅
 
「哎呀!!!」我條馬尾辮俾佢掹左一下
 
「喂呀!!!做咩掹我條辮呀!!!!」
 
「冇呀!突然好想掹。唔滿意呀?賣剩蔗」
 
「好彩冇整散咋!!!」
 
我地兩個上到小巴，佢又搞我D頭髮