我是一個學界的灰姑娘: 34. 小敏姐的你問我答(3)

「咁妳細佬點做呀?」
 
「佢收左爸爸3000蚊，然後打俾佢同學，俾500蚊佢，即晚叫佢同學個爸爸係佢做果間酒店，黃金海岸呀，book返3日2夜包buffet 嘅staycation套餐補飛。媽咪啖氣先消左」
 
「咁妳細佬淨賺2500喎」
 
「當然啦」
 
「咁佢仲有點賺錢呀?」
 




「哦，姨丈買新相機果D真係小事。最賺果次應該係姑丈啦」
 
「嘩…Miss Cheung個先生呀?」
 
「佢真係犯死罪咁滯」
 
「點呀?」
 
「佢…唔見左隻結婚戒指」
 




聽到大白鯊老公咁大膽唔見結婚戒指，大家都好驚。呢條唔止死罪，係所有女性心中係天條黎
 
「果隻戒指，仲係婆婆，即係校長親自搵朋友，專登係外國訂做，送俾佢地嘅」
 
聽到咁樣，大家都一額汗

「咁……妳姑丈點算呀?」
 
「佢果日突然打電話俾爸爸。爸爸立即去細佬房搵佢。佢開價好高，姑丈為左佢生命安全，照俾。當佢一過錢俾細佬之後，隻戒指就立即出現」
 




「點解嘅?」
 
「佢前一晚黎我屋企打牌果時，去洗手間洗手果陣除左出黎，唔記得拎返。我細佬見到就知道呢個係賺錢好時機」
 
「咁Miss Cheung知唔知架?」
 
「佢知，佢係成個計劃主腦添。佢去洗手間時見到隻戒指，就叫我細佬去睇下，然後收埋佢，俾d教訓佢先生」
 
不愧係大白鯊
 
「咁妳地三姊弟…生活都唔錯啦。」
 
「咁都係媽咪辛苦照顧我地者。每日一早返學校，教書改簿。然後返屋企買餸、煮飯俾我地，同埋煮俾Miss Cheung一家」
 
「Miss Cheung唔識煮飯咩?」




 
「呀…佢…」
 
台下大白鯊充滿煞氣
 
「媽咪話反正都係煮，不如幫個姑仔煮埋，等佢專心d搞學校d野仲好」
 
聽到小敏姐咁講，大家俾好多掌聲Miss Lam
 
「雖然唔洗佢洗碗，洗碗就我同細佬做嘅。之後要睇我地三個d功課，然後再要備課、出卷、改簿，妳地話我媽咪係唔係好辛苦呀?」
 
「Miss Lam妳好叻呀!!!!!」
 
「咁家務呢?」
 




「我負責洗衫晾衫熨衫、細佬負責清潔屋企，最細果個負責幫媽咪按摩」
 
呢個妳問我答，大家對Miss Lam同Miss Cheung屋企有更深入認識
 
而且仲搞到大家對Miss Lam個二仔有d興趣，我地都覺得佢係好聰明，好識搵錢，一定係一個商界奇才
 
係「你問我答」之後，我地成班都係到幻想，Miss Lam個二仔係點呢
 
「Natalie，妳有冇見過佢呀?」
 
「Miss Lam個二仔?」
 
「係呀!!」大家圍埋一堆
 
「唔…我好似6年級果年見過佢兩次」我記一記返佢個樣




 
「佢點嘅樣架?」
 
「唔…佢地三姊弟都好似Miss Lam架，個細仔最似」
 
「咁即係好靚仔啦喎，妳地知啦，Miss Lam咁靚女」
 
「妳地有冇見過Miss Lam學生果陣d相呀?超靚女呀!!!」
 
「有機會見下佢兩個仔就好囉…」
 
大家開始對Miss Lam個仔有憧憬
 
而令我萬萬估唔到，係我F.4果年…..我嘅人生再一次有重大變化